上村牧場 (已結業)

銅鑼灣Time Square成日都經過但都冇乜特別入去搵食，今次喺Time Square發掘到呢間日本人氣過江龍和牛燒肉店，有高質薩摩牛食，又可以自製醬汁，醬汁可以自製，以蔥花、蒜蓉、蘋果蓉同醬汁自製嘅秘製醬汁，又食得又玩得~🐮 上村牧場自慢燒肉10種盛盒 $628呢個真係好抵食！可以以實惠價錢食到齊薩摩牛，盛盒有齊牛五花、里肌肉、腰脊芯、牛肋條、上五花肉、牛柳粒、牛小排、橫隔膜、嫩肩牛同涮涮燒10款~整體牛肉肉質鮮嫩多汁、油花滿滿、燒起上嚟好有牛花香，食落軟稔入味~其中牛五花最多油脂、口感最軟稔；最有驚喜係牛柳粒，牛柳粒肉質結實帶嫩、牛味最出，口感都有驚喜~