影片
更多
2017-11-21
296 瀏覽
同朋友去左銅鑼灣呢間叫喵星球嘅貓cafe，大家都係愛貓之人，有得同貓貓玩好開心呀！入到店入面，見到左手邊有好多貓貓飾物、公仔、貓貓相，連貓腳印手工防蚊磚都有，好得意呀！右手邊就係房間，貓貓都響哂入面，入房前先除鞋放入鞋櫃，第一次黎店員幫我地登記資料做會員，每次黎會有記錄，黎夠十次就有一次免費。急不及待入去同貓貓玩，不過入房前再用消毒潔手液消毒下雙手先，非常衛生，房間好乾淨整潔，入面有好多隻貓貓呀！近房門嘅一排木櫈原來係一格格儲物櫃黎，客人可以放袋、物品入去就唔怕貓貓好奇亂搞，房入面嘅裝修睇得出店主花左唔少心思，設置左好多貓貓格仔窩、牆架、跳台，成個貓貓遊樂場咁。店員同我地講解需要注意嘅事項，有本介紹咁多隻貓貓嘅相簿，可以對照貓貓嘅樣貌知道佢地嘅名同特性。好多貓貓都好friendly，任摸唔嬲，介紹下呢度嘅貓貓先，首先係餃子兄弟，韮菜餃同白菜餃，兩隻肥嘟嘟好得意，佢哋好鍾意趴響窗邊睇風景同訓覺。布偶貓Leo真係好似王子，舉止高貴優雅，湛藍色眼睛亮晶晶，好吸引人。Leia小公主，毛色好靚，任摸任影，朋友幫佢按摩，佢個樣幾enjoy！Tiger老虎仔，個樣好霸氣，成日行黎行去視察環境。Gre
入到店入面，見到左手邊有好多貓貓飾物、公仔、貓貓相，連貓腳印手工防蚊磚都有，好得意呀！
右手邊就係房間，貓貓都響哂入面，入房前先除鞋放入鞋櫃，第一次黎店員幫我地登記資料做會員，每次黎會有記錄，黎夠十次就有一次免費。
急不及待入去同貓貓玩，不過入房前再用消毒潔手液消毒下雙手先，非常衛生，房間好乾淨整潔，入面有好多隻貓貓呀！
近房門嘅一排木櫈原來係一格格儲物櫃黎，客人可以放袋、物品入去就唔怕貓貓好奇亂搞，房入面嘅裝修睇得出店主花左唔少心思，設置左好多貓貓格仔窩、牆架、跳台，成個貓貓遊樂場咁。店員同我地講解需要注意嘅事項，有本介紹咁多隻貓貓嘅相簿，可以對照貓貓嘅樣貌知道佢地嘅名同特性。
好多貓貓都好friendly，任摸唔嬲，介紹下呢度嘅貓貓先，首先係餃子兄弟，韮菜餃同白菜餃，兩隻肥嘟嘟好得意，佢哋好鍾意趴響窗邊睇風景同訓覺。
布偶貓Leo真係好似王子，舉止高貴優雅，湛藍色眼睛亮晶晶，好吸引人。
Leia小公主，毛色好靚，任摸任影，朋友幫佢按摩，佢個樣幾enjoy！
Tiger老虎仔，個樣好霸氣，成日行黎行去視察環境。
Grey灰灰已經係隻七歲大嘅貓貓喇，個樣好cute，好乖鍾意嗲人。
Grass草草毛色好特別，一直哩響貓屋訓覺，最後訓醒覺出黎，原來性格都好嗲人架，最鍾意lum人手。
仲有其他幾隻貓貓，全部都好得意可愛。
Cafe嘅飲品分別有水果茶、果汁、汽水選擇，我同朋友都揀左菠蘿蘋果水果茶，本來以為應該係用普通茶包沖出黎，點知原來係用粒粒水果乾沖架，水果味非常香濃，甜味係天然果糖，酸酸甜甜，好飲又健康，cafe仲有賣呢d水果茶，廿幾蚊一盒鐵盒裝都好抵。
懶貓杯蓋勁得意。
同貓貓玩左陣，店員問我地鍾意邊隻貓貓，仲送左果隻貓貓嘅相俾我地，相後面有印仔架，儲夠十個印就有一次免費喇。
呢度嘅貓貓、環境、衛生、同店員服務都好好呀，非常唔錯嘅貓cafe！
張貼
