影片
更多
2021-09-01
38 瀏覽
朋友book咗呢間餐廳，貪佢可以喺個舒服既環境打邊爐，除咗舒服，野食質素都唔錯。七點黎到，我地坐嘅嗰間房仲未有其他客人，成間餐廳感覺係會所級別，枱同枱之間嘅距離好遠，座位亦好舒適。叫咗鴛鴦鍋，一邊係麻辣湯底，另一邊係花膠雞，麻辣湯底花椒味重啲，唔算太辣；花膠雞湯嘅雞件嫩滑，湯底用黎烚菜烚准山麵等一流。肉類方面叫咗兩碟牛，分別係本地牛頸脊同埋和牛封門柳，前者牛味重啲，後者肉質嫩滑啲，入口即融，兩隻都好食。打邊爐自然唔少得丸類，呢度嘅手打丸水準亦不俗，口感彈牙，配兩隻湯底都好食。水餃皮好薄，不宜烚太耐，個餡都幾足料，好多蝦肉，調味亦唔錯手打魚腐感覺特別，一入口就慢慢化開，好似食緊熱既雪糕咁。另外叫咗生菜同淮山麵，麵質幾彈牙，用麻辣湯烚辣得好過癮。最後叫埋個甜品，係傳統嘅芝麻卷，加咗啲金箔做點綴，賣相同味道都合乎預期。期待下次試埋隔離既中菜～
七點黎到，我地坐嘅嗰間房仲未有其他客人，成間餐廳感覺係會所級別，枱同枱之間嘅距離好遠，座位亦好舒適。
叫咗鴛鴦鍋，一邊係麻辣湯底，另一邊係花膠雞，麻辣湯底花椒味重啲，唔算太辣；花膠雞湯嘅雞件嫩滑，湯底用黎烚菜烚准山麵等一流。
肉類方面叫咗兩碟牛，分別係本地牛頸脊同埋和牛封門柳，前者牛味重啲，後者肉質嫩滑啲，入口即融，兩隻都好食。
打邊爐自然唔少得丸類，呢度嘅手打丸水準亦不俗，口感彈牙，配兩隻湯底都好食。
水餃皮好薄，不宜烚太耐，個餡都幾足料，好多蝦肉，調味亦唔錯
手打魚腐感覺特別，一入口就慢慢化開，好似食緊熱既雪糕咁。
另外叫咗生菜同淮山麵，麵質幾彈牙，用麻辣湯烚辣得好過癮。
最後叫埋個甜品，係傳統嘅芝麻卷，加咗啲金箔做點綴，賣相同味道都合乎預期。
期待下次試埋隔離既中菜～
張貼
