茶木‧台式休閒餐廳 (樂富廣場A區)

營業中

休息中

Item: 茶木‧台式休閒餐廳 (樂富廣場A區)
Rating: 5
Author: Dura Master

TeaWood Taiwanese Cafe & Restaurant (Zone A, Lok Fu Place)

175 食評

味道

環境

服務

衛生

抵食

1698

樂富

$51-100

台灣菜甜品/糖水咖啡店咪嘥嘢食店

資訊:
餐廳:	茶木‧台式休閒餐廳 (樂富廣場A區)

為鼓勵食肆透過提供食物份量選擇和採取減少廚餘措施，與顧客共同從源頭減少廚餘，環境保護署推出了「咪嘥嘢食店」計劃，參與食肆如符合評核準則將獲「咪嘥嘢食店」認可資格和獲發「咪嘥嘢食店」的標誌及標貼，以供張貼於店舖內和宣傳，供顧客識別。此計劃全年均接受申請，申請費用全免。

詳情可瀏覽：https://www.wastereduction.gov.hk/zh-hk/waste-reduction-programme/food-wise-hong-kong-campaign

Dura Master

等級4

465

今日同朋友一齊喺樂富買日用品，大概傍晚嘅時候有啲肚餓，再決定喺附近搵間餐廳食。呢間台式餐廳好多分店，估唔到原來樂富都有分店，見到佢個餐牌有好多新菜式，不論係主菜定係甜品方面都有我想食嘅嘢。因為晚市黃金時間所以都等咗10分鐘左右，10分鐘之後店員就安排我哋坐入邊嘅位置，呢度嘅服務態度真係好好，店員好有禮貌，真係超級超級有禮貌！而且都好友善。今次嗌嘅嘢食都係一啲之前冇食過嘅。古早紅燒牛肉拌麵: 呢個麵條嘅份量都幾多，同朋友一齊食就啱啱好，好欣賞呢度嘅糖心蛋，生熟啱啱好，麵條亦都有做調味，佢香辣辣好好味。紅燒牛肉好軟腍，我同朋友一人一件。烏賊汁奶油中卷手作麵: 呢個賣相黑蚊蚊但係好好味，麵條煙煙韌韌，彈口又有口感，奶油嘅味道好香，但係又唔會好膩😍令人一啖接一啖！烏賊份量都幾多，好厚實嘅口感！蜜糖磚塊(青蘋果酪梨🍏): 每次嚟到依度真係一定要食佢嘅蜜糖磚塊🧱，不過青蘋果依個就係特別口味，$88呢個價錢都幾抵食，食完個主題食依個一定夠飽，而且仲好滿足！製作時間大約20分鐘，上菜嘅時候真係比依個賣相驚艷到！薄荷綠色真係好適合打卡啊，我朋友平時都唔會相機食先，但係今次佢竟然搶先係咁影相📸️就證明呢個賣

今日同朋友一齊喺樂富買日用品，大概傍晚嘅時候有啲肚餓，再決定喺附近搵間餐廳食。呢間台式餐廳好多分店，估唔到原來樂富都有分店，見到佢個餐牌有好多新菜式，不論係主菜定係甜品方面都有我想食嘅嘢。因為晚市黃金時間所以都等咗10分鐘左右，10分鐘之後店員就安排我哋坐入邊嘅位置，呢度嘅服務態度真係好好，店員好有禮貌，真係超級超級有禮貌！而且都好友善。今次嗌嘅嘢食都係一啲之前冇食過嘅。

古早紅燒牛肉拌麵: 呢個麵條嘅份量都幾多，同朋友一齊食就啱啱好，好欣賞呢度嘅糖心蛋，生熟啱啱好，麵條亦都有做調味，佢香辣辣好好味。紅燒牛肉好軟腍，我同朋友一人一件。

烏賊汁奶油中卷手作麵: 呢個賣相黑蚊蚊但係好好味，麵條煙煙韌韌，彈口又有口感，奶油嘅味道好香，但係又唔會好膩😍令人一啖接一啖！烏賊份量都幾多，好厚實嘅口感！

蜜糖磚塊(青蘋果酪梨🍏): 每次嚟到依度真係一定要食佢嘅蜜糖磚塊🧱，不過青蘋果依個就係特別口味，$88呢個價錢都幾抵食，食完個主題食依個一定夠飽，而且仲好滿足！製作時間大約20分鐘，上菜嘅時候真係比依個賣相驚艷到！薄荷綠色真係好適合打卡啊，我朋友平時都唔會相機食先，但係今次佢竟然搶先係咁影相📸️就證明呢個賣相係有幾靚！

脆脆黑糖瀑布珍珠奶茶🧋: 黑糖甜甜蜜蜜，黑糖同珍珠奶茶真係絕配，頂部仲有啲奶蓋，呢個奶蓋好香呀！串住3粒芋圓，煙煙韌韌為成杯飲品增加口感！