White Hse. (已結業)

母親節除咗一家人慶祝🥳我仲同媽咪兩個人喺花花世界撐枱腳💕就係銅鑼灣嘅White Hse白房子 🤍一入到去我以為去咗花舖💐除咗唔同嘅鮮花🌺仲有兩幅大花牆😍而且佢嘅蝴蝶結櫈同埋餐廳裝飾都好girly🎀而飲品同食物都當然貫穿花呢個大主題🌼⁣天氣熱一坐低就點咗蝶豆花綠茶俾媽咪💜媽咪身體內熱，蝶豆花+綠茶呢兩樣都偏涼野就最啱佢👍🏻而且蝶豆花好飲又抗氧化！✅⁣我就飲玫瑰花釀紅茶🌹玫瑰花活血啱晒我😆而且味道好清新！好解渴💯我就食來自地獄的意粉🌶係真係辣！🤣好耐冇出街食嘢、充滿刺激感好好😂配埋肉條同蒜頭好惹味😋意粉亦都好入味、好彈牙⁣叫咗個紫醉金迷俾媽咪⚜️媽咪第一次見識食用花🌷有埋金箔就襯哂媽咪高貴嘅地位👸🏻材料有原隻大蝦、藍青口，好肥美、新鮮！🦐配埋紫椰菜溝忌廉汁煮成嘅意大利飯真係成個藝術品咁🖼