翟道翟 Tuk Tuk (已結業)

作為喺觀塘返工嘅我，雖然觀塘有好多嘢食，但係一個打工仔又唔想食得太貴，同埋我好懶，唔想行得太遠，有時又唔想諗！所以我成日都會去日升中心食嘢！翟道翟其實已經唔知食過幾多次，今次記得影相就幫手睇吓食評啦！冬陰公湯檬+肉丸冬陰功最驚係個湯好淡，但係呢一個就啱啱好，好有泰國冬陰功嘅味道，而且唔會話好鹹。肉丸好好食，檬粉唔會話煮到好爛好淋，鍾意食冬陰功嘅朋友都可以試一試。黃咖哩椰汁雞飯黃咖喱加椰汁相對上會比較甜少少，可能有啲朋友未必會鍾意呢一個味道，但係雞塊就好嫩滑而且份量都好夠飽。牛船湯檬+豬頸肉呢個比起上兩道菜都會鹹少少可能鍾意重口味嘅都可以試一試，而豬頸肉都OK幾好食，豬頸肉都幾多塊，但係檬粉相對上就比較少可能男士未必夠飽。