當下 (和富道) (已結業)

呢間喺北角碼頭附近嘅餐廳舖面唔大，不過裝修好有格調，同隔離檯亦有一定距離，傾計都好舒服，見到佢個環境已經即刻入去坐低😂。·叫咗一份light meal（$238）同5 course meal（$388）（叫嘅時候完全唔知light meal原來已經好夠食😂），light其實只係無咗appetizer同甜品🍮。餐湯係南瓜甘筍湯，好濃南瓜同忌廉味；沙律就係用芝麻醬撈嘅，沙律菜種類多，亦好新鮮；小食就揀咗香酥蟹肉餅，入面全部都係蟹肉絲，而且完全唔油膩，勁滿足🤤。·嚟到主菜嘅部分，最令我留戀係佢地嘅美國安格斯肉眼扒（12oz）🤤，叫五成熟啱啱好，切開入面嘅肉仲係嫩紅色，唔會食食下標哂血水。雖然咁樣形容一塊牛扒好誇張😂但佢真係皮脆肉嫩，尤其係邊邊位超重牛同油香味！另外佢地嘅risotto有兩隻巨型帶子，飯嘅份量好多同超creamy😍！·成餐飯最值得讚嘅係個湯同牛扒，食完已經速速決定下次要再嚟過😂😈。