Maki拉麵 (已結業)

見網上介紹有芫荽拉麵，身為芫荽控緊係要試下。嚟到嘅時候十個有九個客都係叫芫荽拉麵，呢個招牌菜相信吸引唔少人，可惜中晒大伏。上一檯見到啲湯已好出事，好稀好清，食落好似啲開稀左嘅鹽水撈左芫荽，比打邊爐湯底更冇味，仲話係濃湯？然後啲麵係鹼水麵咁，感覺比食公仔麵更差，啲叉燒又細塊，一早就整好咁，食落好似越南扎肉，完全唔係日本叉燒個回事。隻蛋無端端係紫色覺得已經怪怪地，雖然食落係普通唐心蛋，但食到呢個位已經再冇胃口。雖然啲staff好友善同有禮貌，但都無補於事，真心係香港食過最難食嘅拉麵，充住芫荽之名搞啲gimmick 但完全係冇誠意之作，仲要$98一啲都唔平，食完好似開稀鹽水漱口嘅感覺，我相信打邊爐芫荽湯底掉個公仔麵落去會令人開心好多，總結而言，大伏。