熱沙咖啡 (已搬遷) 新店位置

馬灣都係一個唔錯嘅旅遊景點，適逢假日，就嚟到呢度閒逛慢活一下。一直都知道喺馬灣呢邊有一間主打土耳其風嘅餐廳。🇹🇷今日難得嚟到就入去幫襯下啦。😎一開始已經比店內嘅佈置吸引咗，入到店舖門口就擺咗各式各樣嘅土耳其小食同埋茶包等嘅商品。喺店員安排好位置之後，就點咗一客土耳其招牌烤雞半份🍗同埋主打嘅土耳其熱沙咖啡！☕️佢嘅招牌土耳其烤雞非常之大份，烤雞烤都好靚香噴噴，味道亦非常可口。伴上大量嘅蔬菜同埋充足份量嘅白飯，如果胃口唔算大嘅朋友可以兩個share食都得！🤪至於佢主打嘅土耳其熱沙咖啡，睇到佢個製作方法都覺得係好傳統，係一個幾難忘嘅體驗。咖啡香滑濃郁，鍾意飲咖啡嘅人都可以試一試。