616牛肉火鍋專門店 (已結業)

雖然最近不是打邊爐的季節，但經友人推介，對牛肉毫無抵抗力既我，今日忍唔住去左試呢間「616」，牛肉火鍋專門店。友人話平日都好快滿坐，所以趁今日收早，快快趣趕去黃埔食，原來呢頭都幾多野食，下次可以再係附近搵食。「616」裝修充滿懷舊風味，除左門口有架好vintage既車之外，內櫳裝修都好有特色，好似番左80年代咁，一定要影相打卡～湯底係用牛骨淆成，每煲都有牛骨、粟米同羅白，好足料同鮮甜。嗜牛者既我地叫左5種牛部位黎試，好多都未見過，好特別好期待，每個部位都有介紹，所以唔洗擔心唔知係咩。滑尾龍需要搞勻隻蛋撈埋d牛肉，因為原來加蛋可以改變肉質，令牛尾肉更加嫩滑，煮大約8秒，肉質好嫩滑，好似平日食鮮滑牛咁。牛舌幾乎係最愛吃既牛部位，今次都無失望，除左有濃濃牛味外，肉質非常爽彈，推介！封門柳友人至愛，因為友人喜歡食少油脂既牛肉，呢款牛肉唔單止滿足佢要求，食落仲非常之有牛味，但我略嫌比較口感無咁滑。牛朴肉呢款都係超級推介，同平日食既牛頸脊有點相似，但價錢平好多，吃落似安格斯牛肉味，帶有少少牛油香，好軟滑！牛根呢款需要煮淋少少，因為本身無乜味，所以要煮到入哂湯底味就非常正，食落非常有口感，有d又會入