名門私房菜

營業中

休息中

難得可以約齊朋友一行六人食番餐，我哋就嚟到名門私房菜，嘆吓高水準嘅中菜～座位非常舒適又適合傾偈～我哋點咗呢啲菜式～｜杏汁白汁豬肺湯｜杏汁非常香濃，湯底奶白色就好似杏仁露咁，但味道就好清甜不膩，加上豬肺好腍滑爽口，呢個湯真係好滋補養顏～嚟到呢度必點😍｜冰鎮鮑魚｜鮑魚爽口彈牙，冷凍嘅口感令人越食越開胃～｜冰燒雞（青芥）｜呢道菜我從來未食過，如果要食必須要預訂，有啲似手撕雞同埋雞絲粉皮，但係就加咗個芥末帶嚟口感嘅刺激～天氣熱嘅時候就清爽啦～｜黃金蝦｜蝦肉非常彈牙，蛋黃嘅黃金鋪滿晒成個蝦殼非常惹味～好食到連蝦殼都食埋，個人認為都係必點菜式之一～｜煎釀鯪魚｜高難度菜式，要將魚肉切碎再讓入魚身，味道有陳皮嘅甘香，煎到外脆內軟～｜薑蔥蠔｜用嘅蠔都好大隻好厚肉，用薑蔥爆過真係非常惹味可口，夾埋蔥一齊食，食到停唔到口～｜啫啫生菜煲｜生菜做到爽脆，但外面嘅醬汁濃厚香口～｜荷葉飯｜好香濃嘅荷葉味，每粒飯都炒到乾身入味～蝦米甘香用料十足～最後仲有綠豆沙作甜品，