CHIMAC (天星碼頭)

營業中

休息中

大家平時撘渡海小輪有無留意碼頭入邊嘅舖頭呢？今日黎到中環碼頭，見到有間韓式炸雞，又有海影位坐，就同朋友試下😋佢地有好多唔同味嘅炸雞，全部都可以揀有骨同冇骨，而且配咗一人餐包埋薯條同飲品，好抵食！我揀咗比較港式嘅避風塘炸雞，估唔到有驚喜，避風塘味道炒得好香好惹味，絕對比得上大排檔！雞皮亦都炸到好香口，冇多餘嘅油份，唔會食得好漏！朋友話唔想太熱氣，就叫咗一盒韓式炒粉絲中和一下😂 粉絲煙煙韌韌，上邊有牛肉肉絲一齊炒，加上各樣配菜同韓式醬汁，好有韓國風味，咁嘅價錢性價比非常之高，值得一試。