土司工坊 (荷里活廣場) (已結業)

星期日去荷里活廣場睇戲，睇完戲想食個下午茶。不過，星期日，唔係到到都有下午茶，好多都係正價食品，就算有tea set ,都唔會有toast box $35咁抵食。一份tea ,有潮州辣蝦米包，兩隻煎蛋，一杯南洋咖啡。潮州辣蝦米包，麵包微脆，內裡鬆軟，而且少少甜。辣蝦米好香口，咸咸辣辣，真係有好多粒蝦米喺到。比起平時食餐包只係配牛油或果醬，呢款包真係好特別，好東南亞風味。個煎蛋其實無咩特別，但值得一提係，餐廳自助枱放左啲醬油, 煎蛋配上呢種醬油後，味道昇華。呢隻唔似我哋食開嘅豉油，質地有啲似意大利黑醋。南洋咖啡今次我揀左配煉奶。口感好滑，南洋咖啡好香。餐廳職員先用滾水沖一沖個杯，感覺衛生。之後落煉奶，花奶，最後倒咖啡時係好似拉茶咁，用心之作。作為$35一個餐，真係超值。