影片
更多
2022-12-22
51 瀏覽
身為啡迷，次次經過K11都好想入去NINETYs試下啡，實在太香喇！所以今次特登捉咗老婆去試下。餐廳外面望入去就好似一座森林咁，佈置好有心思，中間有棵大樹，圍住嚟食嘢應該都幾過癮！今日係閒日，我地十一點幾就嚟咗，唔洗等就食得，平時夜晚就一定爆棚喇。我地就試咗兩個Brunch Board，第一個係4個餸既（$148，連餸$244），第一個反應係，每味餸份量都唔少，而且整得精緻！主食可以揀包或飯，我就揀咗檸檬同朱古力包，檸檬果款較香口較啱我口味。餸菜方面，第一味係Grilled Sausage，烤肉腸好香口，配埋檸檬蛋黃醬就更加開胃！第二味叫咗Pork Belly，即係豬腩肉，呢味要另加$48，一大嚿腩肉啖啖肉，我鍾意佢個sauce——芝士泡菜，無諗過呢幾樣嘢可以併埋一齊食，個配搭又幾新鮮！第三味係Torched Hamachi（都係要加$48），Hamachi即係獅魚，佢呢個整法都幾特別，魚係刺身嚟，再加Avocado醬，成個配搭好refreshing，幾味餸入面我最欣賞！最後叫咗一客Greek Yoghurt，奶味突出，配埋好充足既燕麥脆脆，作為餐後總結十分好。老婆就嗌夠6個餸（$19
實在太香喇！所以今次特登捉咗老婆去試下。
餐廳外面望入去就好似一座森林咁，佈置好有心思，
中間有棵大樹，圍住嚟食嘢應該都幾過癮！
今日係閒日，我地十一點幾就嚟咗，唔洗等就食得，
平時夜晚就一定爆棚喇。
我地就試咗兩個Brunch Board，第一個係4個餸既（$148，連餸$244），
第一個反應係，每味餸份量都唔少，而且整得精緻！
主食可以揀包或飯，我就揀咗檸檬同朱古力包，檸檬果款較香口較啱我口味。
餸菜方面，第一味係Grilled Sausage，烤肉腸好香口，配埋檸檬蛋黃醬就更加開胃！
第二味叫咗Pork Belly，即係豬腩肉，呢味要另加$48，
一大嚿腩肉啖啖肉，我鍾意佢個sauce——芝士泡菜，無諗過呢幾樣嘢可以併埋一齊食，個配搭又幾新鮮！
第三味係Torched Hamachi（都係要加$48），Hamachi即係獅魚，
佢呢個整法都幾特別，魚係刺身嚟，再加Avocado醬，成個配搭好refreshing，幾味餸入面我最欣賞！
最後叫咗一客Greek Yoghurt，奶味突出，配埋好充足既燕麥脆脆，作為餐後總結十分好。
老婆就嗌夠6個餸（$198，連餸$246）！
主食就叫咗紫菜飯，飯量真係好充足，仲可以添，幾大食都飽！
餸菜方面，第一味係醉雞，一大隻雞髀咁上，酒味好香濃，應該都醃咗好耐。
第二味就叫咗甜粟米，粟米固然烤得香，配埋羊奶芝士果少少的羶香味，就更正。
第三味就係蟹黃蘭王蛋，蛋夠多，可以送飯食，醬汁較濃，適合重口味人士。
第四味就叫咗個磨菇沙律，酸酸甜甜咁，有各種不同既蔬菜，都好開胃。
第五味就係叉燒，其實係烤豬肋骨，份量好多！而且有甜甜地既蘋果醬，係呢個Set入面我既至愛！
第六味就係Coconut Yoghurt，相比希臘乳酪，我覺得呢款會再甜啲，椰子味會令Yoghurt層次更豐富。
食完呢10個dishes真係飽到暈～～
最後，當然要試下咖啡啦！
我地叫咗杯Latte（$45），揀咗Fruity既豆，特別喜歡餐廳好仔細咁寫返豆既產地。
咖啡除咗拉花靚之外，飲落有淡淡既果香，偏甜一啲，大家都可以試下！
張貼
