Burgeroom (美麗華廣場1期) (已結業)

作為一個burger fans, 一定食過burgeroom。呢度嘅burger款式有幾十種，嚟咁多次都未試晒。呢度啲小食都好多選擇，價錢平得嚟又大份，尖沙咀嘅餐廳嚟講算性價比高🤣今次都係叫咗啲burger同朋友share。Burger size超大隻，一個人食一隻一定夠飽。見到menu 特別推介呢隻軟殼蟹burger （$115）因為size巨大，其實好抵、物有所值。Burger外層係微微烤過，少少脆身。主角軟殼蟹啖啖肉，可以見到隻蟹大過個飽🤣，加上脆卜卜嘅炸皮，十分推介。另外仲叫咗signature 嘅芝士牛肉burger, 都係必點items. 牛肉夠厚身、有肉汁，加上千島同芝士一齊食，十分滿足。另外仲叫咗啲小食，同朋友坐底一路傾偈一路飲野。薯條咁大碟只係$35，價錢合理。