Next Station Dessert (已結業)

係光棍節黎到 Next Station 嘆美味的甜品，心情特別好！未入去前，係門口見到呢度有得食 Hand Made 半熟芝士撻食，一場黎到梗係要試下啦！入到去環境舒適，裝修優雅，又唔會坐得太迫。靚的環境，有助我更享受食甜品的樂趣。除左點了半熟芝士撻外，還有栗香紫薯山同綠茶心太軟配野莓乳酪雪糕。噔噔噔噔～栗香紫薯山Wow～賣相超靚，好有秋天feel面頭個層栗子蓉，整得又滑又好食再同埋雲呢拿雪糕和紫薯一齊食，成個甜品的味道就好有層次。先食到勁香甜的栗子蓉，再慢慢變成微微的雲呢拿味，最後充滿紫薯的味道，令人一試難忘。這個甜品不單有味覺享受，仲有視覺的享受，大讚！綠茶心太軟配野莓乳酪雪糕我都係第一次食綠茶心太軟，平時都係食開朱古力味，所以感覺都幾新鮮。一切開，裏面的綠茶慢慢流出，睇到都覺得正。呢個綠茶心太軟唔係太甜，連埋紅豆食，簡直 very good。所以綠茶同紅豆係絕配。而野莓乳酪雪糕，酸酸甜甜的很好食，而且又沒咁易溶，食完心太軟再食呢個可以中和甜膩膩的感覺。最後就係食近排大熱的半熟芝士撻，撻皮係牛油皮，好香好脆，而裏面的芝士就好滑半熟得剛剛好，芝士味好濃。味道相當不錯！今次的甜品真係令