釣魚翁 燒鵝．海鮮飯店 (已結業)

晨早流流陪左阿媽去花墟買花，出發前同佢去左「釣魚翁」飲個早茶先。 阿媽話聽朋友講呢間酒樓d點心好抵，想試好耐喎~酒樓標榜100%無添加味精，好健康呀~ 眼明手快嘅阿媽，一坐低已昅到張 - 早茶超值點心，自選優惠孖寶嘅點心紙，望真d又真係好抵~自選孖寶: 櫻花蝦芋絲春卷，薑蔥牛栢葉 $26.8 (假期 / 星期六、日 +$1)春卷好脆，櫻花蝦唔太多，但就幾鍾意入面有芋絲嘅味道。薑蔥牛栢葉自己本身對薑蔥嘅味道麻麻，係阿媽想食，但黎到食左塊試牛栢葉，無咩薑蔥味，我可接受。當然阿媽就唔多 like ，話佢唔夠味。釣魚翁燒賣王 $9.8燒賣咁嘅價錢仲要有3粒，真係去邊度搵吖?! 味道都唔差喎。 鮮蝦韮菜餃 $18.8韮菜餃餡料都多，3隻都大大隻，味道普通。