夏雪 (已結業)

周末與朋友係沙田踏完單車🚴，大圍還車，之後佢話不如飲杯靚咖啡，跟住就帶咗我嚟呢間小咖啡店，裝修簡約，牆壁白色，感覺舒適。✨皇家伯爵茶窩夫$65窩夫外邊做到脆脆哋，好輕身，味道微甜又帶清新嘅伯爵茶🌱香味，仲配有一小勺焦糖可以自己加上去，想甜啲又得，自己控制，再加埋凍冰冰嘅雪糕，配搭得非常好味。☕️Shakerato $50Shakerato 冰搖咖啡，係冰塊配上特濃咖啡，喺雞尾酒調酒器內加上有節奏的手搖撞擊，令咖啡產生一層細緻泡沫。呢度嘅Shakerato 泡沫非常豐盈，佔咗成杯體積大約五分之四，口感非常 foamy 非常輕身，味道細緻。🍶️Hand Drip $88ColombiaEl VergalGesha Anaerobic Natural標貼介紹話有呢啲清香味：Floral, Passssion Fruit, Guava, Juice like，又真係似乎飲到聞到，總括嚟講味道低調、樸實、清雅。呢間小咖啡店感覺溫暖，我哋見到有朋友相聚喺度傾偈，又有文青喺度睇書📖，真係傾偈同嘆咖啡嘅好地方。