Season Plus (已結業)

同事要搬去上環住，趁假期大家都幫手搬屋，之後一齊去咗同事家附近的Season Plus 食晚餐，大家都知餐廳嘅生蠔平靚正，配紅白酒更有優惠。首先來一盆特別價生蠔，美國中碼蠔，每隻只需$18，size都幾大隻，即叫即開，新鮮肥美又厚肉，食落仲有淡淡的海水味！白酒忌廉煮藍貝：呢款係餐廳最近新出品，藍青口肉質嫩滑，味道鮮甜，並非其他青口可媲美，用白酒煮帶有陣陣酒香，再加上香濃忌廉和新鮮的藍青口，味道十分配合，值得一試嘅香滑濃郁新菜式。法國燒原隻春雞：法國春雞燒得熟度剛剛好，而且非常入味，肉嫩鮮味，連雞胸也滑溜無比，能滿足大大啖肉的快感。澳洲紅酒酒色較豐厚且濃郁。