海皇粥店 (英皇道) (已結業)

XO醬腸粉 ~ 早左出門口返工所以可以有時間入去買個腸粉做早餐 , 但係又唔想咁dry食齋腸 , 咪揀左個XO醬腸粉 , 估唔到好食過平時落甜醬同花生醬 , XO醬係咸咸地唔係辣既 , 配埋腸粉食就味道岩岩好 , 而且唔會得少少XO醬 , 就算食到落底個d腸粉都仲有 , 其實海皇既食物品質係唔太差 , 可惜係粥品味精方面就越來越勁 , 好多時行過想食清淡d既粥都唔會揀呢度 , 一來費事食完好口乾 , 二來味精落咁多都唔慌清淡得去邊 , 如果改善返呢個問題相信會更多人去幫襯。