喜運點心專門店 (已結業)

石門呢間點心質素唔錯，食得出唔係工場大量製造嘅點心，而且價錢唔貴、平民美食。叫咗腸粉孖寶餐$45好抵食！揀咗叉燒腸係推介，腸粉夠滑熱辣辣，有三大條。點心有好多選擇，我哋揀咗蝦餃。蝦餃亦都係大大粒，蝦夠爽口，真係好食！春卷新鮮炸起，夠香脆，一份有四條。點心當然唔少得燒賣，燒賣豬肉夠新鮮，唔多肥膏，又係新鮮熱辣辣，唔錯！再叫咗珍珠雞，一份三件。珍珠雞蒸得夠林，入面幾多汁，同樣都幾好食。仲叫咗南瓜煎軟餅，入邊仲有豆沙餡。呢個好食！糖水叫咗桑寄生蛋茶，真係唔係度度有呢款，夠足料夠濃郁。