Café Muse (已結業)

中秋節翌日，阿爸去志蓮，我同阿媽唔去，於是去TST食野行街。之前聽親戚介紹話cafe muse ge semi buffet不錯，於是就去試吓。當日朝早打去留位都仲有位。大約一點多去到，九成滿座，非常多人。由於人太多嘅關係，成間餐廳都嘈到好似街市咁，連傾偈都有困難。隔離枱嘅女人仲話嘈到咩心機都無，嗱嗱聲食完就走。我點咗煙三文魚什菌扁意粉，阿媽就要杏汁龍利柳。先出去攞前菜，其實只得沙律菜，一d都唔吸引。甜品就有桂花糕、椰汁糕等，都唔吸引。反而湯就好吸引到我，有中湯同西湯。中湯係冬瓜湯，西湯係忌廉粟米湯。中湯超正，煲得好夠火候，無味精，所以我飲咗5碗！煙三文魚什菌扁意粉味道ok, 不過偏淡。扁意粉軟硬度適中，但始終味道太淡。意粉都係隔離deli & wine 好食好多。阿媽個杏汁龍利柳就偏咸。環境真係好嘈，我地食完都嗱嗱聲走。