影片
更多
2022-05-06
777 瀏覽
今日同老闆一行3人食lunch,諗住試返呢間既熟食lunch,點解要著重係「熟食」？因為中過伏囉😂第一次幫襯係因為想食既印度餐廳無位，誤打誤撞搵到呢間！第一次試大家都好保守，都係叫吉列豬扒，燒魚，雞扒咁，意外咁大家都覺得好食，就話下次可以黎試刺身壽司🍣 第二次，老闆叫左個中等價之上既壽司set，同事就叫左個刺身井，我因為個日唔食得生冷野，所以叫左西京燒，就係咁避過一劫😂估唔到一個幾百蚊既壽司set,居然有蟹柳同青瓜卷😌👍🏻我真係差啲笑出黎🫣其他刺身只睇色澤都知唔新鮮，我偷偷望左一眼老闆，佢好明顯係嫌棄樣，嘴刁既佢肯定知自己中左伏，所以做細既唔敢再多講啲咩🙈我同事既刺身井就唔洗多講啦😅所以今次第三次再黎試返佢既”熟食”，因為岩岩放寬左4人一枱，出面lunch係人山人海，所以我地行緊去既時候都打電話問下有無位先😅但其實係多膠魚，諗多左，座位唔多，但都只得3，4枱客（加埋我地),打電話問有無位,個女職員仲要扮好full booking🙄真係生意策略不過今次未食就比個肥女人激死，去到見無人，我地咪自動波掃安心同針卡囉🙄掃完個肥女人出黎，肥女人：掃左安心針卡啦嘛？我地：係呀，我老闆電話都比埋佢睇
因為中過伏囉😂第一次幫襯係因為想食既印度餐廳無位，誤打誤撞搵到呢間！
第一次試大家都好保守，都係叫吉列豬扒，燒魚，雞扒咁，意外咁大家都覺得好食，就話下次可以黎試刺身壽司🍣
第二次，老闆叫左個中等價之上既壽司set，同事就叫左個刺身井，我因為個日唔食得生冷野，所以叫左西京燒，就係咁避過一劫😂
估唔到一個幾百蚊既壽司set,居然有蟹柳同青瓜卷😌👍🏻我真係差啲笑出黎🫣其他刺身只睇色澤都知唔新鮮，我偷偷望左一眼老闆，佢好明顯係嫌棄樣，嘴刁既佢肯定知自己中左伏，所以做細既唔敢再多講啲咩🙈
我同事既刺身井就唔洗多講啦😅
所以今次第三次再黎試返佢既”熟食”，因為岩岩放寬左4人一枱，出面lunch係人山人海，所以我地行緊去既時候都打電話問下有無位先😅但其實係多膠魚，諗多左，座位唔多，但都只得3，4枱客（加埋我地),打電話問有無位,個女職員仲要扮好full booking🙄真係生意策略
不過今次未食就比個肥女人激死，去到見無人，我地咪自動波掃安心同針卡囉🙄掃完個肥女人出黎，
肥女人：掃左安心針卡啦嘛？
我地：係呀，我老闆電話都比埋佢睇！
肥女人質疑咁話：安全無紅色架嘛？我信你架啦！
又要問又要唔信係咩玩法？🙄
我話：你咁緊張，你咪同我地掃一次囉！
肥女人就開始依依哦哦：緊張架，一陣比人捉到要罰架，要停業架！
咁驚你咪企個人係出面門口睇住囉，再唔係咪比你掃多次囉🙄🙄
入到去見到有一枱客，我地就被安排係呢枱客既後面，就係咁一餐受罪既lunch開始啦🙈🫠
原來呢枱客係佢地老闆既朋友，個老闆企係度同佢啲朋友有講有笑，原本係無傷大雅，但聲浪愈黎愈大🥹
呀老闆，你其實知唔知你間餐廳個樓底好低，啲聲好應架？
你又知唔知你間鋪好細，我同你班朋友張枱只係背住只有一紙之隔？
最後聽到話連個主廚都出埋黎吹水，好奇望一下👀
主廚？😨日本餐廳主廚？😰你話茶餐廳主廚都有人信，講野言行粗聲粗氣，個身裝束真係唔似一間日本餐廳既廚師囉😓我究竟食左咩？睇左咩？
最後得出結論：呢間餐廳係以自己友為先，唔係以客為本，事關我地向肥女人反映好嘈，
肥女人話：無辦法，sorry(輕挑語氣）🙃
其實都預料之內，事關一間正常正規既日本餐廳係唔會咁樣騷擾客人用餐，而且連個餐廳老闆都黎埋一齊癲一齊嘈嘈閉🤷🏻♀️就知佢要係朋友面前威，眼球只有朋友👀間餐廳根本唔係招呼客人，係招呼佢個啲朋友🤷🏻♀️
不過我唔明點解你地有房，你唔招呼你班朋友入去嘈呢？🤷🏻♀️係咪你班朋友唔想除鞋入房🤨對腳……🫢
餐廳老闆如果你有幸見到呢篇食評，解答下😊
本人第一次打咁大篇文😉老闆你有福啦
By the way,都要讚下既，你杯檸水好好飲，檸檬好新鮮呀😌
張貼
