大班麵包西餅

營業中

休息中

細個既時候好鐘意食呢度既紫菜肉鬆卷 , 麻麻每人都會買一個比我做早餐 , 到宜家仲仍然好記得個種味道 , 但係時光飛逝 , 昔日味道已經不再 , 加上麵包款式又越來越多選擇 , 係時候要試下新野。 薄餅批 ~ 由於材料同醬汁都好少 , 令到個麵包食起黎好乾身 , 咬左兩啖就放棄左啦。 雞絲粟米沙律薄餅 ~ 相比之下 , 好明顯呢個材料同沙律醬份量較多 , 所以就拎去叮返熱先再食 , 雞絲幼身唔"鞋" , 而且配埋一粒粒粟米更加左咬口 , 最重要係有埋好味道既沙律醬係面度一齊食 , 暖笠笠既薄餅滿足返我個胃。 孖寶條 ~ 另外仲買左香橙﹑朱古力既孖寶條 , 味道質素同以前依舊差不多 , 一條有6個 , 大食既話真係可以自己食哂一條保證夠飽。