Kani (已結業)

今年情人節係星期六，睡到晏一晏，梳洗好就同honey去覓食啦！Honey忽然帶我黎到工廠區，心諗今次又食乜fusion 菜？沿住樓梯行上餐廳，完全估唔到係食乜。餐廳名字叫Kani，一入去就見到有自助沙律吧，我地揀左個靠窗既高枱坐，展開我地既情人節美食之旅。睇一睇個餐牌先，原來日本野、西餐都有得食，最後我揀左個呑拿魚飯食，honey 就揀左雜錦魚生飯。waiter落單後就叫我地試下個沙律吧。長長的沙律吧枱放不同的沙律、醬汁等，沙律菜新鮮好味。上主菜了，壽司飯上放上一層厚厚的呑拿魚肉，將壽司豉油倒落啲飯度攪匀。呑拿魚肉鮮甜美味，沒有根「痴牙」，配上壽司豉油簡直令人好想一口接一口呑左碗飯！還好honey無怪我只掛住食野唔理佢姐。Ps, 員工好搞笑，最後佢地請左碗雪梨雪耳糖水比我，話可以潤喉keep住咁靚碗糖水真係好甜呀XD