喜亭軒 (已結業)

今次決定去最熟悉嘅地方嘗試幾有特色嘅一個火鍋配餐！店鋪叫喜庭軒！喺旺角大型匯豐銀行後面位置有個升降機去到！講番餐廳先橙色同杏式做主色，位置亦都相當寬敞今次我哋係食呢個三小時任食火鍋！汽水甜品都係任飲任食！首先佢會畀個川辣雞煲你！餐廳之後會有個q r code畀你掃，入面嘅配料都係無限任食！講返個雞煲先非常香濃味道，辣度亦都啱啱好食唔到辣嘅都食到嘅！重點係啲雞好滑肉類好幼嫩！醬汁亦都可以依附喺每件雞肉上面！之後火鍋湯底你可以選擇鴛鴦湯，一邊係麻辣，另一邊係清湯蟹肉火鍋湯，估唔到佢真係比成隻蟹我，仲要分開一半令到個湯更加入味，當中加入埋其他養生材料，包括紅棗杞子重有冬瓜，打邊爐都唔怕冇營養！同熱氣！配料都係任食任叫就唔多講主要我係嗌海鮮！絕對係回本位，大概有海蝦，大大隻扇貝、蟶子、除咗海鮮仲有鴨血，生根，響鈴卷！除咗火鍋之外呢度仲可以有埋燒肉盤一路打邊爐一路燒肉真係好貼心！