119韓國站 (已結業)

一班朋友聚舊,睇到深水埗有間新開韓國菜諗住試下, 係facebook睇到評語一般,入座安排失當, 我就早3日前訂左7點鐘5位(第一次用Tablemap book枱), 我早左少少6:45就到左,仲有兩個朋友未到,我就預先同帶位哥哥講book左枱,佢同我講,其實公司係冇留枱架,只係有booking既客人會優先入座(即係同walkin一齊係門口等位), 我o咀(咁點解要俾人book枱)要齊人先入得,咁都到左咪照等囉唔通咁急轉地方咩,7點齊人都未有得入, 好在等左半個鐘,首先,我真心覺得紫菜包飯,炸雞好好食, 另外牛肋骨生菜包都唔錯, 跟住南瓜年糕冇咩味, 帶子亦食唔出咩味, 綠豆餅一般,海鮮湯得個辣字(通常落黑椒粒,佢落紅辣椒), 野飲都唔錯,重點出場-國民海鮮全份, 超唔抵食, 海鮮唔多, 大半盤係雜菜同粉絲, 又係得個辣字, 半隻小龍蝦,龍蝦鉗太硬用鉸剪宦好難開, 就問個侍應哥哥借啲鐵鉗個啲黎開, 點知佢問完另一個同事返黎答我:我地冇專用既工具食隻鉗,你開到就可以食,開唔到就冇辦法,我再次o咀......我可以講:唔會再黎,完。