POP vegan (已結業)

吃貨去食素，究竟會係咩一回事？未時真係少食素，我淨係食過某間中式素，味道係好似肉，但非常油膩。朋友叫我試下呢間，佢仲話呢間味道唔錯，仲話無中式素咁油，好值得一試。我地叫咗三樣野，壽司卷、炸豆腐同Calzone。炸豆腐Deep Fired Tofu好香口，但一啲都唔油膩，味道仲有啲似避風塘。無諗過素都可以咁嘢味。Vegan Tuna Sushi Roll 係素嘅壽司卷。勁大份架，一上菜隔離枱都望住，仲即刻跟我地叫多份！最後係Truffle, Mushroom and Spinach Calzone。成個calzone 都有好濃厚嘅松露同香菇味，反而spinach 味就被蓋過。個Calzone 好鬆化。起初我有擔心要等好耐架，因為見到隔離枱投訴。不過，佢地服務算唔錯，催完好快就上左，我地呢邊就反而無乜影響，可能佢係嗌焗野嘅關係。