友利坊 x 友利冰室 x 勿當奴 (已結業)

中午約咗好友,找一個交通便利地點.我決定在太子始創中心地庫既友利冰室,環境舒適,嘢又好食,吃個短敍午餐,傾吓吹吓水.韓式泡菜豚肉丼,炒豚肉和洋蔥片,很香很惹味,加上微辣泡菜,味蕾層次,複雜起來,食慾提升不少.日式咖喱吉列豚肉日本蛋包飯,叫這款午餐時,不能一氣呵成讀出來.日本蛋包係鮮黃色,日式咖喱係深啡色,吉列豬扒,炸得金黃色,好靚既一碟飯,送上枱時,炸豬扒香味先至,然後香甜濃郁既日式咖喱味,食落好好味.配埋伴碟芝麻汁沙律,呢碟好食兼超值.今次唔飲奶茶,改飲凍檸檬茶,檸檬新鮮切片,茶底濃淡恰當,一杯幫助消化既好飲品.