The Pantry Cafe

營業中

休息中

✅燒春雞，沙律，窩夫＆ 蜜糖芥末醬($135)燒春雞個皮烤到脆卜卜，咬落去肉汁四溢，超級juicy！沙律又清新，啱啱好中和咗春雞嘅濃味。嗰窩夫外脆內軟，配埋蜜糖芥末醬，甜中帶微辣，香口好味😋✅煎牛排配焗蔬菜，燒肉汁＆ 香蒜青醬($192)5成熟，煎得啱啱好，外層微焦，入面嫩滑多汁，配埋翠玉瓜、粟米仔等焗蔬菜，吸咗啲肉汁味，甜甜地好好食。加埋香蒜青醬，真係清新得嚟又好香✅藍青口（$79）個白酒蒜茸汁真係一流，小茴香嘅香味好特別，忌廉令湯汁更加濃郁。多士烤到岩岩好，吸晒啲湯汁，超滿足。環境都好舒服，光線明亮，食住飯都覺得心情靚啲！整體嚟講，呢餐真係大滿足！