Primo (已結業)

星期五放工約左朋友去chill一chill，朋友揀左呢間酒吧，去到環境都大，有上下層，牆上有霓虹燈飾，好得意。煙三文魚一口脆餅配檸檬魚子醬 $99先黎個小食先，煙三文魚配左檸檬魚子醬個味道酸酸甜甜，裝住個個半圓形就係脆餅，烘得真係好脆。帶子蜆煙肉卡邦尼醬意粉 $118可以揀意粉，扁意粉咁，係自家製手工意粉，煙靭彈牙，醬汁香濃，帶子爽口，好食。雞肉牛油果潛艇堡 $128一上枱份量唔少，除左潛艇堡外仲有炸薯條同沙律。潛艇堡材料多，雞肉煎得香脆嫩滑，牛油果熟度岩岩好，creamy。薯條新鮮熱辣加左7味粉。紫椰菜沙律爽口。