冬蔭公公 (已結業)

新年期間食得肥膩野多，要在家煮又煮到悶，今晚同呀囡去附近食個簡單清淡D晚餐。去到東港城二樓"三哥"，打算入去食，點知比對面舖呢間"冬蔭公公"吸引咗，好耐之前光顧過，食物其差，印象唔多好，但今次胆粗粗去試多次。客人不太多，服務員帶領入座後即時點了泰式海南雞飯，泰式鲜魚湯底粉麵配雞絲。五分鐘後食物已送上，海南雞飯，飯味香，雞嫰滑不太肥，配上中式老火湯，湯味濃郁。至於那個鲜魚湯，魚味鮮甜，配上預先加送芫茜，蘿白，芽菜，金菇，完全入味。只要加13元可配特飲，呢個黑珍珠椰汁冰，黑色一粒粒似蘭香子又似奇亞籽，為求真相向服務員查問，但只知是泰國出產，樣子相似吧。今晚给我感覺煥然一新，相比多年前食物質是進步多了。