御苑皇宴 (已結業)

1. 訂了廳房全包宴，7點幾開席，但開頭d菜上得好慢，到後來，炸子雞同粉面飯一齊上，個阿姐放低碟雞無耐已話幫我地打包，我答佢仲食緊。跟住佢分碟面，然後同我講碟荷葉飯唔分直接打包，我叫佢分我地要食。幾分鐘後又話打包d雞，好地地食餐飯，係要令人嬲，我叫個阿頭埋來同佢講唔好再同我講打包d餸，我已經答咗3次食緊! 當時係9點幾2. 招呼我枱的阿姐有d唔熟手，其實我地都唔介意，好小事，但個阿頭不斷呼喝同鬧佢蠢，當時我地間房好靜，2枱人全部望住佢，我親友都睇唔過眼叫佢唔好再鬧，教人做野唔係咁。同埋有乜理由喺客間房大大聲鬧。3. 寫明全包宴，包加一, 埋單時個阿頭話賬房規矩要另外比多百幾蚊。我鬧到爆，本來我地諗住正正常常會比tips侍應，但佢不斷叫打包已經差，仲夠膽同我講規定要比。當我成世人第一次食全包宴嗎？我同佢講無咁嘅規矩，菜單寫明全包，百幾我就一定唔會比，再嘈我報海關。不歡而散本來食物環境都過得去，但咁激氣，食龍肉都補唔番