銘興酸菜魚 (黃埔新邨)

營業中

休息中

落住毛毛細雨又凍又濕，就好想食下辣，近近地去左銘興酸菜魚，明明上次經過都唔爆場㗎，今晚要等位呀😣都好好彩，等左無一分鐘就有人走，撘左張四人枱，意外地店內過半數食客都係講國語的，咁即係好正宗啦😆⭐無刺藤椒酸菜魚併肥牛飯自己想食酸菜魚，咁貪心啲併埋肥牛先，一大碗滿晒的，除左魚片同肥牛，仲有芽菜、金菇、雲耳、豆卜等配料，好豐富噃。要左小辣都幾辣，仲帶酸同麻，湯頭好味但唔可以大啖大啖飲，辣勁要伴一伴食😆⭐紫蘇牛蛙米線朋友一向鍾意食蛙，佢就揀左紫蘇口味，呢份都係要小辣，個人就覺得啱啱好，入口香口惹味但不嗆喉。蛙肉鮮甜但口感偏淋，係咪牛蛙口感係咁樣？未食過，平時都係食田雞🤔米線大碗，湯底係魚湯不辣的，可自行加辣😆⭐涼拌黃金皮蛋叫左份小食皮蛋，蛋心綿滑蛋白爽口，香辣汁正呀🤤⭐手撕雞涼皮仲有手撕雞，呵呵係店內最後一份了，後來的食客都無得叫了🤭雞絲有咬口，辣汁同皮蛋一樣的，青瓜清爽，但涼皮滑得黎偏硬，同其他店食開的唔同，唔知係咪呢款口感先正宗，沾滿辣汁好正呀🤤⭐紙包飲品跟餐送紙包飲品，室溫的，可能店家知道天氣凍食客唔想飲凍飲😘辣辣的正呀，食完暖笠笠🤭