影片
更多
2018-02-22
22 瀏覽
舊同事text 我話公司想派佢去第三世界做開荒牛，問我點睇。我只能答佢，即刻出來啤啤佢先講啦⋯⋯然後我地沿著太子酒吧街，逐間逐間探索，想搵間好坐又唔太嘈的，可以慢慢傾。俾我哋發現呢間Lava 好似唔錯，就佢啦！入去即刻叫左my favourite1664，朋友叫左支Asahi ，happy hour 抵飲啲，都係$58 同$32 咋。「咩形勢，快D講出嚟大家分析下？」「是咁的............」原來朋友的公司想派佢去緬甸開新廠，貪果邊政局開始穩定，又有一帶一路照著，商機無限遍地黃金。公司希望佢能夠留喺嗰度兩年，幫手set up個場，train好曬人。事成之後，再決定佢到底繼續留喺嗰邊幫手定係回流。呢兩年當然係升職加薪，兩年後仲有酬金。佢公司開出的條件，尚算優厚。只係我朋友未去過果邊，唔知咩環境，佢知我去過所以問我意見。原本喺度打算飲兩 round，再轉場去第二度食晚餐。點知呢個時候聞到隔離枱傳來串燒的香味，引死人。有大杯酒豈能冇大塊肉？於是我哋又攞張卡來 tick tick 先， 見到價錢唔貴喎，tick 吓 tick 吓好多了，是旦啦實食得曬既。呢餐廳環境真係唔錯，全晚播住廣東
我只能答佢，即刻出來啤啤佢先講啦⋯⋯
然後我地沿著太子酒吧街，逐間逐間探索，想搵間好坐又唔太嘈的，可以慢慢傾。俾我哋發現呢間Lava 好似唔錯，就佢啦！
入去即刻叫左my favourite1664，朋友叫左支Asahi ，happy hour 抵飲啲，都係$58 同$32 咋。
「咩形勢，快D講出嚟大家分析下？」
「是咁的............」
原來朋友的公司想派佢去緬甸開新廠，貪果邊政局開始穩定，又有一帶一路照著，商機無限遍地黃金。公司希望佢能夠留喺嗰度兩年，幫手set up個場，train好曬人。事成之後，再決定佢到底繼續留喺嗰邊幫手定係回流。呢兩年當然係升職加薪，兩年後仲有酬金。佢公司開出的條件，尚算優厚。只係我朋友未去過果邊，唔知咩環境，佢知我去過所以問我意見。
原本喺度打算飲兩 round，再轉場去第二度食晚餐。點知呢個時候聞到隔離枱傳來串燒的香味，引死人。有大杯酒豈能冇大塊肉？於是我哋又攞張卡來 tick tick 先， 見到價錢唔貴喎，tick 吓 tick 吓好多了，是旦啦實食得曬既。
呢餐廳環境真係唔錯，全晚播住廣東歌，好有卡拉OK feel 。 餐廳格調好得，又夠開揚，座位好闊落，啱晒我哋吹水。
於是我哋有傾下佢對未來嘅期望，如果唔過去發展，留喺香港又有啲咩可以搞作。老土啲講句，該奮鬥的年齡就唔好選擇安逸啦⋯⋯
呢個時候，我地order 左既串燒已經上枱。嘩！真係好壯觀喎！
串燒
7 瀏覽
0 讚好
0 留言
串燒
6 瀏覽
0 讚好
0 留言
燒牛舌 - 好香牛脂味，但係略為切得碎左少串燒少，唔夠咬口
孜然羊串- 調味重手左少少，但都食到有羊味
燒雞全翼 - 熱辣辣，小小辣好吊味，有驚喜，食完想encore， 必食 ！
大蔥雞串 - 大蔥同雞肉都good, 唔鞋夠淋夠入味
燒雞腎 - 爽口、彈牙、入味
珍寶松葉蟹棒-好大條、甜甜地、抵食
櫻花蝦餅 -外表似炸蝦丸，食落幾好，有蝦味
磯燒海螺肉 - 好香、好爽、好正
蒜蓉澳洲茄子- 份量不少，仲鋪滿粉絲，茄子燒得好香好入味。可能澳洲茄子真係唔同啲，特別鮮甜喎！
燒韭菜 - 韭菜有點韌，可能燒得耐左
我同佢分析完形勢之後，佢決定接受個 offer 去博吓 。其實果邊民風純樸，雖然有難民，但主要影響邊境啫，城市入面都算安全架。反而主要係食同住，水準一定同香港或者其他東南亞國家差一大截。嗱！呢啲咁正嘅串燒，響嗰邊就未必有得食㗎啦！食材都唔同啲啦，不過你放假返香港咪可以再約我嚟囉！
咪諗咁多啦，今日咁高興，就嚟多round 啦！
張貼
