影片
更多
2021-10-26
77 瀏覽
Mcdull好中意燒鵝。中意肥嘟嘟嘅感覺，就好似中意Mcmug咁。有一日，Mcdull同Mcmug肚餓了。Mcmug話「不如我地食依間丫，舖名都有燒鵝兩隻字」Mcdull點點頭。佢地坐低左，睇餐牌。Mcmug睇到「超值」滋味套餐嘅餐牌，佢🐽事不理，係佢嘅極速🐽心算下「兜兒，不如叫依個套餐丫」Mcdull開心地「乜兄，好呀」其實Mcdull連餐牌都未看清楚，因為太多字了。結果，佢地就入左一間主打燒鵝嘅舖頭，點左個既超值又滋味，但無燒鵝嘅套餐，兩隻🐽都好開心咁食左依餐飯。言歸正傳：超值滋味套餐 $288 任選三餸一湯 餐牌其實真係有啲亂，密密麻麻嘅字都睇到老花，我地叫左三個餸：大壹叉燒皇併香妃雞、菠蘿咕嚕肉、西蘭花炒蝦仁，同時我+$38將餐湯升級至花菇雞腳燉螺頭。花菇雞腳燉螺頭🙂個湯好熱，飲落口熱辣辣，好清，冇乜咩油，佢用功夫茶嘅形式黎上菜，要飲幾多做倒幾多，每次一細杯，對於我黎講就有少少煩，但個湯真係幾好飲，淡淡地，似冇味精。佢個湯嚟嗰時，仲特登俾埋兜辣椒豉油我黎點湯渣食，依碗湯嘅雞腳好淋，香菇都仲有味，但螺頭就煲到出晒味，食落去冇乜味。大壹叉燒皇併香妃雞😐我特登叫左肥叉，唔肥嘅叉邊好食
Mcdull好中意燒鵝。中意肥嘟嘟嘅感覺，就好似中意Mcmug咁。
有一日，Mcdull同Mcmug肚餓了。
Mcmug話「不如我地食依間丫，舖名都有燒鵝兩隻字」Mcdull點點頭。
佢地坐低左，睇餐牌。
Mcmug睇到「超值」滋味套餐嘅餐牌，佢🐽事不理，係佢嘅極速🐽心算下「兜兒，不如叫依個套餐丫」
Mcdull開心地「乜兄，好呀」其實Mcdull連餐牌都未看清楚，因為太多字了。
結果，佢地就入左一間主打燒鵝嘅舖頭，點左個既超值又滋味，但無燒鵝嘅套餐，兩隻🐽都好開心咁食左依餐飯。
言歸正傳：
超值滋味套餐 $288 任選三餸一湯
餐牌其實真係有啲亂，密密麻麻嘅字都睇到老花，我地叫左三個餸：大壹叉燒皇併香妃雞、菠蘿咕嚕肉、西蘭花炒蝦仁，同時我+$38將餐湯升級至花菇雞腳燉螺頭。
花菇雞腳燉螺頭🙂
個湯好熱，飲落口熱辣辣，好清，冇乜咩油，佢用功夫茶嘅形式黎上菜，要飲幾多做倒幾多，每次一細杯，對於我黎講就有少少煩，但個湯真係幾好飲，淡淡地，似冇味精。佢個湯嚟嗰時，仲特登俾埋兜辣椒豉油我黎點湯渣食，依碗湯嘅雞腳好淋，香菇都仲有味，但螺頭就煲到出晒味，食落去冇乜味。
大壹叉燒皇併香妃雞😐
我特登叫左肥叉，唔肥嘅叉邊好食，但係佢嘅叉燒可能浸得比較耐，都太過入味，味道偏濃偏甜，個人黎講就覺得麻麻；香妃雞有啲沙薑嘅味，雞都幾滑，喺出面來講算係正常。但係我都係鍾意食返自己蒸嘅雞。
菠蘿咕嚕肉😐
份量好足，我諗夠三至四人食，味道正常偏酸，配料算有啲特別：有橋頭、新鮮菠蘿、無花果，連埋啲咕嚕肉一齊食都唔錯，但可惜啲菠蘿比較酸。
西蘭花炒蝦仁😐
份量又係好大份，啲蝦都幾大隻，有少少蝦味，啲菜炒嘅時間都啱啱好唔會太淋唔會太硬，食咗咁多肉，食埋依個菜，啱啱好。
三人份量嘅二人餐，份量好足，其實叫多一個人什至兩個人黎食都綽綽有餘。
依度都坐得幾舒服，冇人趕你走；姐姐都招呼好好，好有禮貌👍
下次🐽食燒鵝！
「好食7級🐽」：
☹️👹極度難食，中伏 very very bad bad
☹️難食 very bad
🙁幾難食 bad
😐普通no good no bad
🙂幾好食good
🤤好食 very good
🤤😇好鬼好食，必試 very very good good
張貼
