八福 (已結業)

嚟旺角約咗人去買燈, 行街之前諗去邊食lunch, 於是提意嚟"八福" 食講真, 要食平的有比佢平, 要好食的亦有比佢好食, 而佢雖然係旺角, 但就藏咗係女人街裏面,又揾都要D時間! 不過衹是欣賞佢D嘢好穩陣! 旺角區試過唔少次貪平,貧新鮮而中伏! 所以而家如果真係諗唔到食咩,都會揀"八福" 一個set有飯有烏東! 唔係咩日式嘢, 但實實在在! 係呢個城市要揾D剛剛好,實而不華嘅野其實真係好難!至於佢最推介嘅烏冬, 的而且確係值得一食! 軟腍彈牙! 味噌湯未有好咸好濃嘅感覺,好清。七味雞翼跟牛油粟米配飯好balance分量剛剛好! 七味雞翼好入味,下次可以散叫當小食!