立体派拉麵 (棉登徑) (已結業)

未食呢間拉麵之前，我對拉麵嘅印象係停留喺某間數字開頭嘅拉麵店🤣食完立体派，不但顛覆咗我對拉麵嘅印象，簡直係無得翻轉頭！餐牌上每項分類款式貴精不貴多，拉麵、小食、飲品各有幾款簡單主打，隨即為我呢啲有選擇困難嘅人減輕煩惱🤣係店員極力推介下，我地叫咗呢款COEDO 白 Shiro，啤酒偏淡身，唔苦，易入口，就連平時少飲酒嘅我都小酌兩杯，爽🤣餐廳特意用以前用嚟送拉麵外賣，可以保溫嘅「出前箱」呈上呢碗每日限定嘅黃金味噌拉麵，真係有gimmick得嚟又夠曬把炮😍呢碗黃金拉麵最令我印象深刻係中間凍嘅醬汁肉碎，同呢碗熱騰騰嘅拉麵係口感上形成強烈對比。另外，腐皮福袋亦令我留下深刻印象，外面福袋餡料多數係年糕，餐廳破格咁以蔥、薑、粉絲等做餡料，比起年糕更容易吸汁，令每啖入口都係濃濃嘅味噌湯👍🏻湯底帶輕微辣勁，既惹味，又味濃，啱曬我呢啲重口味嘅人😋薄切叉燒嘅肉同脂肪各半，比例剛好麵條煙韌，有咬口，就算食到最尾，麵條都唔會浸淋，值得一讚👍🏻最後，建議大家先試特濃白湯，再試黃金味噌，由濃至更濃咁食，雖然白湯都係濃味人士之選，但比起黃金味噌就略顯遜色啦食完立体派，真係大開眼界，原來一碗看似平平無其嘅拉麵係可以咁高