辛安東元祖奶奶雞 (已結業)

:hu上個月去食呢間好似幾出名嘅奶奶雞，真係食到啤一聲。個元祖奶奶雞d汁根本就係普通豉油雞汁，但濃度係十倍，咸到阿媽都唔認得，墊底個薯粉索完汁更咸，幾好口感都食唔落啦，d雞件又唔嫩，結果成碟雞只食左一半，連打包都嫌費事!!另外叫左個冷面，又係難食，d麵毫無咬口，唯一係片雪梨好食少少...野飲亦非常搵笨，咩柚子啤酒，原來只係普通韓國啤酒加"篤"柚子茶醬，一d都唔好飲，梨子味汽水亦只係雪碧...但每杯盛惠$4x...成餐較正常係生菜包烤牛...埋單盛惠$480(2位)，早知食大煱口打邊爐好過!!唔該唔好再掛韓菜名目賣垃圾食物啦，呃到人幾耐?打呢篇食評只係提醒各位小心中伏，我唔明點解仲咁多好評，當晚連我鄰座嘅食客都話"d野好咸，間野麻麻"，證明其實打手甚多，或者係跟風就覺得好食，自行定奪啦!!