影片
更多
2022-06-15
113 瀏覽
因為家人鍾意食放題，適逢今日家人生日同佢哋嚟咗呢間食，點知係中伏嘅開始…..首先，係大門口、樓梯間見到兩個大嘅價錢牌（因無即時影，都係上網搵返）咁我哋就揀咗Level 2 $297，但都買單嗰下就發現個價錢唔對路，收左每位$338，睇返原來收銀處對住嗰個價錢牌係唔同的👇🏿雖然落單嗰陣店員都有俾個A4牌問我哋揀邊個LV，但因為入門口之前已經係樓上樓梯口揀左係食LV2，所以都冇特別留意就同個店員講咗（呢度算自己大意，無諗到擺門口個價錢係不一致嘅🙄）首先講吓啲位，店員安排我哋坐嘅位窄到連女人腳都冇辦法平放，好在要求調枱店員都冇拒絕😮💨再嚟係佢個爐，當開着咗抽風嘅時候，個熱力係唔足以燒肉，只可以煨肉，好彩隔籬枱個先生好好人咁教我地要熄咗個抽風個爐先夠力，但缺點係會煙霧彌漫🤦🏼♀️佢每張枱都會有幾樽調味粉，好不幸地我哋枱面個set係濕嘅，濕到倒唔出🙄燒肉汁定醬油汁？個樽已經乾到見晒底都冇人fill（重點我地未開始食，店內長期有吉枱所以唔會係一時忙到無fill到）🤷🏼♀️🤷🏼♀️隔離枱見到我地咁嘅情況都無奈地苦笑😅最後講講佢啲食物，真係搵唔到一樣好食嘅！ ！刺身唔新鮮，啲肉真係唔知點講🤦🏼♀️🤦
首先，係大門口、樓梯間見到兩個大嘅價錢牌
（因無即時影，都係上網搵返）
咁我哋就揀咗Level 2 $297，但都買單嗰下就發現個價錢唔對路，收左每位$338，睇返原來收銀處對住嗰個價錢牌係唔同的👇🏿
雖然落單嗰陣店員都有俾個A4牌問我哋揀邊個LV，但因為入門口之前已經係樓上樓梯口揀左係食LV2，所以都冇特別留意就同個店員講咗（呢度算自己大意，無諗到擺門口個價錢係不一致嘅🙄）
首先講吓啲位，店員安排我哋坐嘅位窄到連女人腳都冇辦法平放，好在要求調枱店員都冇拒絕😮💨
再嚟係佢個爐，當開着咗抽風嘅時候，個熱力係唔足以燒肉，只可以煨肉，好彩隔籬枱個先生好好人咁教我地要熄咗個抽風個爐先夠力，但缺點係會煙霧彌漫🤦🏼♀️
佢每張枱都會有幾樽調味粉，好不幸地我哋枱面個set係濕嘅，濕到倒唔出🙄燒肉汁定醬油汁？個樽已經乾到見晒底都冇人fill（重點我地未開始食，店內長期有吉枱所以唔會係一時忙到無fill到）🤷🏼♀️🤷🏼♀️隔離枱見到我地咁嘅情況都無奈地苦笑😅
最後講講佢啲食物，真係搵唔到一樣好食嘅！ ！刺身唔新鮮，啲肉真係唔知點講🤦🏼♀️🤦🏼♀️叫做好少少係安格斯嗰啲牛肉，起碼叫擺得入口先🤦🏼♀️🤦🏼♀️
去廁所經過廚房門口，見佢已經事先做好左然後擺喺枱面，好彩係有保鮮紙包住，衛生情況令人擔憂😩
因為今日家人生日，實在唔想搞到不愉快所以就多一事不如少一事，但係又覺得谷鬼氣，上黎彩到
啲食評，實在覺得唔想比更加多嘅人中伏😩😩
呢一餐真係貼錢買難受，如果最近想去試嘅朋友真係要諗清楚，三百幾蚊可以有更好嘅選擇😤😤
張貼
