小肥牛蒸氣石鍋火鍋專門店 (已結業)

今天下午請左假，陪2個女兒往旺角髮型屋整整頭髮，我也順便焗焗油，又整左成個下午了，肚餓得很，今晚吾煑飯啦！叫埋老公出來食飯就算！經過砵蘭街，見到一個大招牌：小肥牛蒸氣石鍋火鍋專門店，門口的海鮮缸有多種海鮮游來游去，最吸引是龍蝦、鮑魚等高級海鮮，女兒見到話想食，見到廣告牌寫是食蒸氣火鍋，而且四人同行一人免費，我們剛好四人,於是我們就入座了！我們選食龍蝦鮑魚粥火鍋套餐。四人同行一人免費，平均每人$198，又免加一茶介，好底喎！首先要混混調味醬油！豐富又新鮮的龍蝦鮑魚火鍋海鮮拼盤，8款海鮮有：龍蝦、南非鮑魚、海蝦、深海魚件，本地和外國入口時令貝和蜆四種。首先是食貝和蜆，用石鍋蒸原汁原味，味道鮮甜又冇沙，而且每次蒸每一種海鮮都有侍應幫我們放人石鍋，並調較好檯上的時間掣，夠鐘就會嚮，提示食物已經蒸好，不會令海鮮過熟不好吃！龍蝦粥膽食完貝類，就將一半龍蝦粥膽放入石鍋內攪拌均勻!之後就將龍蝦、鮑魚等所有海鮮分批放入鍋中蒸煑，全部過程會由侍應幫我們做。龍蝦鮮甜又彈牙，其他海鮮亦很鮮很美味！食完海鮮就可以食火鍋，多款火鍋配料中，可以選9款，我們選了粟米、水魷、牛栢葉、枝竹、魚餃、鮮蝦丸、鮮蝦雲吞、鮮甜水