影片
更多
2022-08-29
267 瀏覽
因為疫情，好耐好耐都冇寫過食評了。其實都有偶然出去食野，但相比起以前都真係少左。近期多番食野又多左用Openrice book位，先忽然醒起，可以寫番下食評。咁耐冇寫，第一個要補寫既就係難得4代同堂，仔仔，我，媽咪，同婆婆一齊去下午茶啦。今次係婆婆第一次食依D排到咁靚既下午茶，又因為好耐都冇見，佢見到曾孫就特別開心。比邊件佢試都話好味。3層高的下午茶，最頂層的漢堡同最下層的都係鹹食。中間同最上層的慕絲係甜食。另外重有一碟4個迷你鬆餅配果醬及牛油。跟餐有咖啡或茶或特飲。鹹食方面，最好味的係北寄貝牛油果沙律最中餅麻麻地的有迷你豚肉生薑燒漢堡，真係漢堡唔係牛肉，總係覺得差DD的。另一個麻麻地係松葉蟹肉豆腐；我覺得完全冇味道的。甜食就好D，基本全部都好好味，最鍾意係黑加倫子朱古力慕絲蛋糕，因為係朱古力，對朱古力控黎講，有朱古力就係好味。另外重有一個好味的係青檸薑瑪德琳蛋糕，入口真係好清爽，少少酸甜，好醒胃丫。服務重好好，見我地同老人家一齊，會特登問老人家岩唔唔岩食，點飲品時會推介比老人家，乜會岩佢口味D，最後婆婆點左個香草茶，我都唔係太記得係乜茶，佢飲完重問我會唔會有得買。可惜走時，我地太趕（
咁耐冇寫，第一個要補寫既就係難得4代同堂，仔仔，我，媽咪，同婆婆一齊去下午茶啦。今次係婆婆第一次食依D排到咁靚既下午茶，又因為好耐都冇見，佢見到曾孫就特別開心。比邊件佢試都話好味。
夏日鑽白之魅下午茶
$548
8 瀏覽
0 讚好
0 留言
3層高的下午茶，最頂層的漢堡同最下層的都係鹹食。中間同最上層的慕絲係甜食。另外重有一碟4個迷你鬆餅配果醬及牛油。跟餐有咖啡或茶或特飲。
鹹食方面，最好味的係北寄貝牛油果沙律最中餅麻麻地的有迷你豚肉生薑燒漢堡，真係漢堡唔係牛肉，總係覺得差DD的。另一個麻麻地係松葉蟹肉豆腐；我覺得完全冇味道的。
甜食就好D，基本全部都好好味，最鍾意係黑加倫子朱古力慕絲蛋糕，因為係朱古力，對朱古力控黎講，有朱古力就係好味。另外重有一個好味的係青檸薑瑪德琳蛋糕，入口真係好清爽，少少酸甜，好醒胃丫。
服務重好好，見我地同老人家一齊，會特登問老人家岩唔唔岩食，點飲品時會推介比老人家，乜會岩佢口味D，最後婆婆點左個香草茶，我都唔係太記得係乜茶，佢飲完重問我會唔會有得買。可惜走時，我地太趕（因為HEA到最後先埋單，發現拎護膚品原來要去朗豪坊的）急急腳走，唔記得問個茶有冇得賣呢。
護膚品有4份，洗面乳，日／夜精華，及爽膚。因為仔仔同婆婆都唔岩用，我一個人要晒，淨係比左一份比媽咪姐依個下午茶唔算係好貴果隻，亦唔係最平果D。但係坐得舒服，服務OK，打卡靚靚，食完重有護膚品。真係十分之唔錯，最唔錯係婆婆都有興趣陪我地下午茶一下，之前佢都唔多願出街。所以黎緊，要搵多D依D有護膚品送既下午茶，黎多幾次4代同堂下午茶先得。
原本食完個下午茶係勁飽的，重諗住唔駛煮晚飯啦，煮少D老公食就算。但係經過急步行，由新世紀行去朗豪坊後，重要係朗豪坊行左好幾個圈搵唔到間護膚品舖。最後晚飯都係食得落，一下子就被急步行消化晒個下午茶呢不過我地食足2個鐘都冇食晒2個set，如果真係食晒，應該真係會食唔落晚飯。
張貼
