影片
更多
2014-06-14
2096 瀏覽
今日連同4位朋友約好去佐敦食依間係九龍幾十年既咖哩屋，依間既馳名咖哩同其他咖哩不同之處係，佢地主打'巴基斯坦咖哩'，主張'辣而不燥'。 我地一行五人揸車到步，店外有不小路邊可以泊車，不過要注意抄牌，落車會見到'亞龍咖哩'同'阿龍咖哩'，以我所知'阿龍'係新開既，所以入'亞龍'就應該無錯。 入到去時間大幾九點，所以大把位坐，唔使迫，都唔洗等位，店員表示隋便坐之後就放低五隻杯比我地斟水。 菜單上可見，咖哩屋唔一定食咖哩，仲有番茄同青瓜類可供選擇，不過我地今次專程食咖哩既關係，所以點左咖哩，牛腩，魚，雞，蝦，蛋，七個飯，同油餅。落單五分鐘，熱辣辣咖哩上到枱。咖哩雞，咖哩非常香，非常多洋蔥碎，雞肉完全入晒味，可惜係雞肉有小小老 咖哩牛根腩，因為牛根同牛腩要煮得越耐先越淰越好食，咖哩煮得越耐越入味既關係，牛根腩放入口咖哩既香味，再到咬牛根睥既口感，只可以講非常夾，非常好食。 咖哩魚，可以話係最普通既一個餸，咖哩同之前既一樣，不過魚肉唔入味，魚肉都好碎，只係得咖哩汁好食。咖哩蝦，依個餸我真係有d驚喜，我以為會係用原隻無甩殻既細蝦仔煮既，上到枱，係用甩左殻既大蝦煮，而且咬落
我地一行五人揸車到步，店外有不小路邊可以泊車，不過要注意抄牌，落車會見到'亞龍咖哩'同'阿龍咖哩'，以我所知'阿龍'係新開既，所以入'亞龍'就應該無錯。
入到去時間大幾九點，所以大把位坐，唔使迫，都唔洗等位，店員表示隋便坐之後就放低五隻杯比我地斟水。
菜單上可見，咖哩屋唔一定食咖哩，仲有番茄同青瓜類可供選擇，不過我地今次專程食咖哩既關係，所以點左咖哩，牛腩，魚，雞，蝦，蛋，七個飯，同油餅。落單五分鐘，熱辣辣咖哩上到枱。
咖哩雞，咖哩非常香，非常多洋蔥碎，雞肉完全入晒味，可惜係雞肉有小小老
咖哩牛根腩，因為牛根同牛腩要煮得越耐先越淰越好食，咖哩煮得越耐越入味既關係，牛根腩放入口咖哩既香味，再到咬牛根睥既口感，只可以講非常夾，非常好食。
咖哩魚，可以話係最普通既一個餸，咖哩同之前既一樣，不過魚肉唔入味，魚肉都好碎，只係得咖哩汁好食。
咖哩蝦，依個餸我真係有d驚喜，我以為會係用原隻無甩殻既細蝦仔煮既，上到枱，係用甩左殻既大蝦煮，而且咬落去非常爽口，可以食到蝦唔止大隻，仲好新鮮。
咖哩蛋，都係有非常驚喜既一個，用半煎炸方式煮，蛋邊剛剛有小小焦，再加上蛋容易滲入咖哩汁，入口夠香口，蛋內蔥花增加口感，讚。
之後埋單，出奇咁話收我四舊水，我計下計下，五個咖哩加埋都唔止四舊，仲未計飯同油餅，我同佢講返唔啱數，佢只係話收四舊得，就係咁食左一個飽肚又好食又平既晚飯
張貼
