福門海鮮菜館 (已結業)

我地四位大美人好耐冇見喇，襯住放暑假，唔洗理屋企位二少功課，約大家出嚟聚吓。今次大家一至選擇中菜。1號大美人介紹去褔全街的福門。晚上7:00客人唔算多，而且一早訂咗位，所以唔洗等。坐底望望餐牌，都算多嘢揀。由於有2位美人有d咳，包括我自己在內. 所以首先叫個金銀菜白肺湯飲吓, 等2位美人閠吓個肺。金銀菜大家都知係白菜+菜乾，配上南北杏，豬肺，雞腳，瘦肉。整個湯清潤，甘香。竹笙蟹肉扒豆腐，蟹肉豊富，竹笙爽，豆腐滑嘟嘟，又有金華火腿及西蘭花伴碟, 撈飯一流。粉絲蒜蓉蒸黃金貝，黃金貝大大粒肉，但肉質唔會靱，粉絲佈滿香味十足的蒜蓉。大啖大啖粉絲放入口咀嚼，感覺超正。油鹽水翡翠螺，翡翠螺係西式自助餐食得多，但係酒樓第一次食，而且仲係新鮮識郁的。不是一般自助餐的做法。廚師用粉絲，大頭菜，中國芹菜，胡椒翡翠螺放湯煮成的。湯的味道有d似胡椒豬肚湯，胡椒味道適中，唔會過量。翡翠螺肉好唸，螺肉size適中，但肉質鮮甜。(因為我自己覺得如果螺太大，肉質會靱，所以我自己鐘意今次不是太大的翡翠螺)最後，叫咗四份一隻燒鵝。燒鵝皮脆，完全唔肥，但肉質有少少靱。今晚四大美人食得肚皮脹了，又要做返幾日運動...哈哈。但