影片
更多
2017-11-06
219 瀏覽
秋意漸濃，最近嘅夜晚開始越黎越涼，呢啲天氣除咗記住要着多件衫之外，當然唔少得指定動作<打邊爐>啦！個腦即刻腦根急轉彎飄過四季文昌嘅椰子雞煲，上次同朋友食過一次覺得好正，所以決定要再encore啦！就嚟生日，緊係要捉埋阿哥一齊去...負責比錢！呢度環境真係好大好舒服，好多大書櫃。書全部都係書，啱晒我呢d偽文青！見到餐牌有海鮮拼盤，拿拿臨整返個冷盤爽下先，我哋叫咗個小龍蝦海鮮拼盤for兩個人食($368)！一上枱見到咁大盆真係嚇親，好誇張啊！海鮮拼盤包羅萬有，有新西蘭小龍蝦、愛爾蘭麵包蟹、生蠔、甜蝦、新西蘭嘅蜆同青口，仲有紋甲魷魚！淨係食個頭盤我哋都食咗一個鐘，好癲！不得不提呢度嘅小龍蝦，新西蘭小龍蝦主要生長係南極同新西蘭之間嘅海域，而呢帶嘅海域正正比到佢哋最天然、純淨同冇污染嘅生活環境！所以佢嘅肉質亦都係好細嫩，食落好鮮甜而且有彈性！食完有點渴，叫咗兩杯小清新嘅飲品！Hainan Island ($88)好易入口嘅一杯cocktail，滿滿嘅水果味荔枝mix蜜瓜果酒，帶點金橘味點綴，幾特別！四季文昌椰青($42)椰青就夠曬甜啦！戲肉來了！登登登登..椰子雞煲！望落去只係簡
個腦即刻腦根急轉彎飄過四季文昌嘅椰子雞煲，上次同朋友食過一次覺得好正，所以決定要再encore啦！
就嚟生日，緊係要捉埋阿哥一齊去...負責比錢！
呢度環境真係好大好舒服，好多大書櫃。書全部都係書，啱晒我呢d偽文青！
見到餐牌有海鮮拼盤，拿拿臨整返個冷盤爽下先，我哋叫咗個小龍蝦海鮮拼盤for兩個人食($368)！
一上枱見到咁大盆真係嚇親，好誇張啊！
海鮮拼盤包羅萬有，有新西蘭小龍蝦、愛爾蘭麵包蟹、生蠔、甜蝦、新西蘭嘅蜆同青口，仲有紋甲魷魚！
淨係食個頭盤我哋都食咗一個鐘，好癲！不得不提呢度嘅小龍蝦，新西蘭小龍蝦主要生長係南極同新西蘭之間嘅海域，而呢帶嘅海域正正比到佢哋最天然、純淨同冇污染嘅生活環境！所以佢嘅肉質亦都係好細嫩，食落好鮮甜而且有彈性！
食完有點渴，叫咗兩杯小清新嘅飲品！
Hainan Island ($88)
好易入口嘅一杯cocktail，滿滿嘅水果味
荔枝mix蜜瓜果酒，帶點金橘味點綴，幾特別！
四季文昌椰青($42)
椰青就夠曬甜啦！
戲肉來了！登登登登..椰子雞煲！
望落去只係簡單嘅椰子水加雞，仲有小小椰子肉
食落去真係出奇嘅清甜 幼嫩嘅雞肉滲入淡淡椰子香 比起平時打邊爐的猛料湯底 有一種無添加的清新感覺 重點係無添加味精 都可以有咁嘅味道 用味道證明真材實料！好奇問一問店員點解啲雞可以咁嫩滑 店員話舖頭只係選用飼養期達150至180日嘅文昌雞 事出必有因 唔怪得啦
好快我哋已經清左椰子雞煲，湯都飲埋～但仲未夠喉，再試埋佢個番茄海鮮湯底。
條魚係即劏嫁 好新鮮！令個湯底加左唔少分
日本山形和牛西冷
用西冷打邊爐我都係第一次 和牛不嬲都係最頂級 一睇就見到雪花分布好平均 食落去都係咁高水準 入口即溶 牛味重 而且大大嚿大滿足🐄
南極小企鵝
好打意呀！原來企鵝仔係墨魚汁丸，熟咗嘅時候完全係肢解晒 認佢哋唔到～食落又ok喎 彈牙而且重墨汁味
日本豆苗
最後點可以唔叫菜啊，索晒啲湯底正
好少地方有豆苗 見到梗係即刻嗌！
呢度啲嘢好新鮮 估唔到連豆苗都好似啱啱喺田到摘出嚟咁！連根都仲喺度 要用較剪剪黎食 好玩又好食 呢個我推介呀！
兩個人食咗勁多野，飽到上心口 ，但好滿足！D野keep住都係咁新鮮，會繼續捧場！
張貼
