影片
更多
2018-08-11
964 瀏覽
炎炎夏日，突然間好想打邊爐，一定要搵間冷氣夠嘅餐廳食得舒服d。搵到來四季文昌，雖然貴d, 但一邊食一邊讚！樓底好高， 座位間隔寬鬆，仲有好靚嘅書架同玻璃燈膽裝飾，環境有一份恬靜感覺，似西餐廳。桌面已預備每位三種味道的醬料，有海南雞醬油、酸汁和薑蔥豉油，不用自助取醬料。別有用心之處，就是讓我們嚐到餐廳自家製作的醬料；另有一小碗青檸、辣椒、薑蔥是自由調味的，加在海南雞醬油内，增加辣味、薑葱味等。有個漏斗好搞笑，以為係裝飾，原來係用嚟計時，當海南雞倒進湯底煮，就開始倒數計時。原味椰子文昌雞鍋(半隻)$128,湯底是椰青水和椰青肉，待水滾後才把海南雞倒進湯底煮，漏斗計時完之後就可以食，不怕雞肉煮過龍。 真係煮得剛剛好，雞肉好有嚼勁，食得出真是走地雞，肉質結實，又滑又香，超新鮮的雞香味！職員介紹說香港任何地方都食不到的，因為這裏的海南雞真的是從海南島送到。 還有別出心裁的醬汁，加了青檸汁、薑蔥蓉的醬油，鹹中帶酸，食落更加清新；喜歡酸汁的話就是黃色的醬汁，我也特別喜歡，因為可以令肉味更突出。竹笙墨魚卷$88, 口感好爽，因為竹笙煮完之後就是非常爽口的，而且浸滿海南雞湯，好鮮甜。墨魚肉又好香墨魚味，
樓底好高， 座位間隔寬鬆，仲有好靚嘅書架同玻璃燈膽裝飾，環境有一份恬靜感覺，似西餐廳。
桌面已預備每位三種味道的醬料，有海南雞醬油、酸汁和薑蔥豉油，不用自助取醬料。別有用心之處，就是讓我們嚐到餐廳自家製作的醬料；另有一小碗青檸、辣椒、薑蔥是自由調味的，加在海南雞醬油内，增加辣味、薑葱味等。
有個漏斗好搞笑，以為係裝飾，原來係用嚟計時，當海南雞倒進湯底煮，就開始倒數計時。
原味椰子文昌雞鍋(半隻)$128,湯底是椰青水和椰青肉，待水滾後才把海南雞倒進湯底煮，漏斗計時完之後就可以食，不怕雞肉煮過龍。 真係煮得剛剛好，雞肉好有嚼勁，食得出真是走地雞，肉質結實，又滑又香，超新鮮的雞香味！職員介紹說香港任何地方都食不到的，因為這裏的海南雞真的是從海南島送到。 還有別出心裁的醬汁，加了青檸汁、薑蔥蓉的醬油，鹹中帶酸，食落更加清新；喜歡酸汁的話就是黃色的醬汁，我也特別喜歡，因為可以令肉味更突出。
竹笙墨魚卷$88, 口感好爽，因為竹笙煮完之後就是非常爽口的，而且浸滿海南雞湯，好鮮甜。墨魚肉又好香墨魚味，都是自家手打的，爽口煙靭，層次豐富，好鍾意呢個墨魚卷！
文昌鴛鴦拼盤，是這裡自家手作水餃，拼四季福袋， 每款都有三粒 ,$72。
最初都覺得貴，但係食完之後大讚！因為水餃大大粒餡料，原隻大蝦好爽口，肉也很鮮甜，非常新鮮！啖啖肉！配埋海南雞湯底，好甜好鮮味！福袋好得意，用條蔥綁住袋口，裏面的是豆腐和芋頭粒，突然間味道清淡咗，但係因為福袋外面的腐皮吸收了湯底精華，配清淡的豆腐都食到湯味，芋頭夠粉，增加香口感。
四季牛肉拼盤$358，有：手切安格斯牛頸脊、黑安格斯牛小排、牛舌粒、牛舌長切、牛柳粒。
我最鍾意食牛舌，因為質感特別爽口，而且食得出係新鮮現切的，不是切好放在冰箱等人點菜，所以爽口得嚟仲好有牛味。而牛柳粒、牛頸脊、牛小排等等，都係讚口不絕！因為每一啖都有濃濃的牛肉味，比起其他火鍋店或者放題食的牛肉，所用的材料都是更加新鮮上乘，貴得有道理！真係咁嘅價錢畀番咁高質素嘅食物，就算牛肉粒厚身啲，煮完都唔會韌，仍然爽口，牛肉咪濃，推介！
自採溫室豆苗胚$38, 食完肉食番啲菜，溫室豆苗係佢哋自家培植，所以原棵上，俾埋較剪你，剪去根部就可以落鍋，冇泥味，煮完豆苗之後，成個湯底都有豆苗香，好清甜，是菜的清新香味！豆苗好嫩，值得試下！街市買一斤豆苗都要差不多$20蚊一斤，都冇咁新鮮。
北海道海膽煲仔飯$338, 因為怕海膽在煲仔飯裏面焗熟，所以一上桌時，職員會即刻拌勻海膽和飯，然後幫我哋裝上小碗，即刻食！熱辣辣海膽融化在白飯，超香冇腥味，海水鮮味出曬嚟，海膽又甜甜地。稍後食第二碗煲仔飯，焗耐左變成飯焦，食落脆卜卜又增添香口感！一煲飯有四碗份量，兩種口感，好過癮！
菠蘿沙冰$42, 好香甜！因為佢用新鮮菠蘿肉加冰打成，菠蘿熟的程度達到最佳狀態，所以好夠甜，沒有加人工糖水，連埋菠蘿汁、菠蘿肉食，飲起上嚟甜甜地，唔酸，真係消暑又開胃！
椰青沙冰$42, 沙冰加了椰奶，所以打起的沙冰成白色，視覺效果更佳， 也增添椰子香味。椰奶和椰子水的味道是清淡的甜味，炎炎夏日飲超舒服。
最後唔好浪費，湯底椰青肉都食埋，超好味！ 滑嘟嘟，又香又甜，好滋潤㗎！我仲連湯底都飲埋，因為椰子水煮過咁多肉類同菜類，會超鮮甜的，是升級版椰子雞湯！驚湯底油膩，仲有油隔提供，可以撇走油膩，飲完滋補養顏！
總結，這裏的食材非常新鮮，都是自家手作，所以貴啲，埋單$1216.5,三個人食，人均消費$405.5。
張貼
