影片
更多
2009-03-23
67 瀏覽
Caprice是城中一間有名氣嘅法國餐廳，亦是星星餐廳之一。裝潢較一般嘅法國餐廳trendy，樓底高，又有維港景，感覺舒適浪漫。開放式廚房內地方整潔，見不到半點污漬。衆廚師手法熟練忙碌，和各悠閒嘅食客形成强烈嘅對比。餐廳的服務亦很優秀，加上侍應們大多很年輕，專業服務的同時，亦給人energetic嘅感覺！Appetizers (Free)鵪鶉蛋拼香草慕絲：在一小匙羹的香草慕絲上，放着一隻半生熟嘅鵪鶉蛋，賣相精嫩，味道香滑。麵包：有三至四款供選擇，特別推介牛角酥，非常鬆軟香脆！各式脆片：有芋薯、parma ham等脆片，口感同樣香脆，唔油膩。A Taste of Caprice (Nine Courses)龍蝦薄片伴西洋菜慕絲配特級魚子醬：鮮嫩嘅龍蝦肉雖切成薄片，但不失應有嘅爽脆口感；西洋菜慕絲西洋菜香味十足，入口幼滑；Osetra魚子醬味帶淡淡海水味和魚子醬嘅甘香，入口迅速溶化。用西洋菜慕絲和Osetra魚子醬塗上脆多士，更有別一番風味！法式豬腳肉拼田螺香腸配香草醬汁：鬆脆嘅外皮，包着香嫩嘅豬腳肉，內裡填滿味道濃郁嘅餡料，味道豐富，口感富層次。而伴碟的田螺則較普通。羊肚菌清湯伴青豆配法
Caprice是城中一間有名氣嘅法國餐廳，亦是星星餐廳之一。裝潢較一般嘅法國餐廳trendy，樓底高，又有維港景，感覺舒適浪漫。開放式廚房內地方整潔，見不到半點污漬。衆廚師手法熟練忙碌，和各悠閒嘅食客形成强烈嘅對比。餐廳的服務亦很優秀，加上侍應們大多很年輕，專業服務的同時，亦給人energetic嘅感覺！
Appetizers (Free)
鵪鶉蛋拼香草慕絲：在一小匙羹的香草慕絲上，放着一隻半生熟嘅鵪鶉蛋，賣相精嫩，味道香滑。
麵包：有三至四款供選擇，特別推介牛角酥，非常鬆軟香脆！
各式脆片：有芋薯、parma ham等脆片，口感同樣香脆，唔油膩。
A Taste of Caprice (Nine Courses)
龍蝦薄片伴西洋菜慕絲配特級魚子醬：鮮嫩嘅龍蝦肉雖切成薄片，但不失應有嘅爽脆口感；西洋菜慕絲西洋菜香味十足，入口幼滑；Osetra魚子醬味帶淡淡海水味和魚子醬嘅甘香，入口迅速溶化。用西洋菜慕絲和Osetra魚子醬塗上脆多士，更有別一番風味！
法式豬腳肉拼田螺香腸配香草醬汁：鬆脆嘅外皮，包着香嫩嘅豬腳肉，內裡填滿味道濃郁嘅餡料，味道豐富，口感富層次。而伴碟的田螺則較普通。
羊肚菌清湯伴青豆配法國黃酒慕絲：湯內的用料很新鮮，尤其是黃酒慕絲，香味撲鼻，入口幼滑。雖說是清湯，但其實湯嘅質感較厚，味道亦很濃郁，帶微微甘味嘅after-taste。
香煎鱸魚伴鮮茄草莓配大紅花意大利陳醋汁：此道菜給我第一個刺激就是點啜用的香草油，香味清新；而大紅花意大利陳醋汁則味道非常濃烈，非常酸溜溜，奇怪的是用鱸魚沾上陳醋汁來吃，味道又常合拍，為平凡的鱸魚帶點特別嘅味道。
脆煎法國鴨肝伴杏仁糖餅、燴洋芋莢配黑加侖子汁：法國鴨肝非常肥美，外脆內軟，味道濃郁。鴨肝配搭黑加侖子汁也很新，不過也許鴨肝味道實在太濃烈，黑加侖子汁味道不夠突出。相反，用黑加侖子汁來造的macaroon，味道更見特別；另外，macaroon底部輕輕沾上鴨肝嘅油香，又是另一番味道！
煙法國乳鴿伴清蘆筍、芝士薯球配煙鴿汁：法國空運到港嘅乳鴿，medium嘅火喉，配合優秀嘅肉質，味道惹味可口。從相中可見，此道菜有一鴿胸及一鴿脾，鴿胸比鴿脾大很多，這種鴿子應該只喜歡飛而不喜歡企呢，哈哈？！說回食物，伴碟的蘆筍很鮮嫩清甜；芝士薯球口感煙韌，夾雜着淡淡芝士香味，能為下一道菜打開序幕。
特選法國芝士：Caprice有自己特有的芝士儲存庫，儲存了很多頂級芝士，實令一衆芝士愛好者為之瘋狂！芝士由淡至濃，不下十數款。自問不是芝士專家，還是由餐廳方面推介。較為特別的是在相中最右手邊的芝士，aged了四年，產量稀少，價錢高昂，待應說全球只有十二間酒店有供應；至於相中間橙色像南瓜的芝士，亦aged了兩年半，兩款芝士味道相對地無咁濃烈，較易入口。相較之下，靠左手邊的芝士味道非常濃烈，對於我們這些「新手」而言，單是氣味亦已令人有吃不消之感。鼓起勇氣，淺嚐了一口，已喚醒了所有味蕾細胞；喝了半杯清水，濃烈的after-taste仍是渾之不去，的確是很特別的體驗。
青檸雪葩：不愛芝士的朋友，餐廳亦提供了另一選擇。碰巧我們二人一個選了芝士，另一個選了這甜品，味道清新的雪葩平衡了味道濃烈的芝士味，為味蕾爭取了喘息的機會，待一試往後精緻的甜品！
椰子脆餅伴香芒青檸啫喱配鳳梨椰香雪葩：一小件甜品，而包含數款新鮮嘅食材，層次豐富；甜品整體甜中帶酸，調和了整頓豐富的晚膳。
焦糖薑餅雪糕伴巧克力脆片配西班牙杏仁汁：特別嘅薑餅雪糕，外層包着巧克力果仁脆片，主調和之前的甜品不一樣，味道偏甜；西班牙杏仁汁和平時的「杏霜」差不多，少少地呷一口，杏仁味豐富，味道不錯。
咖啡或茶：試了latte及cappuccino，奶味較濃，泡沫十足，OK。
Petits Fours：以朱古力、棉花糖、拖肥糖及macaroon作為最後點啜。
由入座到結賬，整頓晚餐吃了超過三個半小時。豐富嘅美食．舒適嘅環境．優良嘅服務．加埋喜歡嘅人，確是令人回味！
[20/3/2009, Fri]
張貼
