麻王 (已結業)

因為要附近上堂，見呢間裝修幾特別同簡單，所以入去食。餐廳主要做外賣，入面冇咩位堂食（得兩個位），點左口水雞（45蚊）。口水雞45蚊呢個價錢可以接受，但冇送飲品，就略嫌有d貴，一包盒裝檸檬茶要加5蚊，感覺性價比低。份量方面唔算好多，一盒飯，一盒雞，賣相都有少少差，另一個差的地方係雞件好多骨，冇咩肉，同埋雞有少少凍，本人比較喜歡雞肉係熱。差左少少。另一個劣評係用塑膠餐具，諗住堂食唔用塑膠，但最終係用左塑膠，呢點唔太好。驚喜的是個醬汁整得好好味，有麻辣的感覺，有蒜味，又夠重口味。感覺賣相唔好，雞件多骨唔得，但個醬汁就一流好味道，結論：60分。