影片
更多
2019-08-07
38 瀏覽
放工約左朋友係尖沙咀食飯，雖然好多選擇，但我最鐘意都係食火鍋，今晚試左四川火鍋店碼頭故事，喺內地有好多分店，今次喺香港終於有得食~ 可惜今日有啲唔舒服，食唔到辣。我地7點黎到，坐四人卡位，好闊落。食物種類唔少，打邊爐要有既料佢都有齊。其實打邊爐好食最緊要食材質素夠新鮮，其次就係個湯底夠鮮。waiter招呼殷勤, 貼心奉上小圍裙, 著白色衫食麻辣鍋都唔洗怕。湯底揀左大骨百味湯鍋同埋野菌鍋 ，湯底好濃郁又足料，湯底唔hea，飲得出真材實料。所以係要即席飲返碗靚湯先。之後加既湯 都係返本身既湯底，所以打邊爐唔會好淡。四川火鍋菜寧舍不同，醬料有大量芫茜蔥同生蒜按個人喜好，再加醋，蠔油同埋餐廳特製芝麻香油先係重點。我偏好落多少少醋，因為款湯底較清，可以有提味嘅作用。 肉類叫左安格斯肥牛，賣相不得了，口感彈牙又好夠肉味，大概一分鐘就可以食得啦。另外，叫左手工韮菜餃，好新鮮，餡料又爽口又彈牙。炸魚皮都係即叫即炸，魚皮即叫即炸上枱嗰時仲係熱嘅；口感酥脆而且冇油溢味，所以勁脆口超正。仲有茴香小油條都係唔錯既小食，香口得黎又夠清香，確實不錯。當然要食番蔬菜清清腸胃啦，叫左山藥同埋唐生菜夠新鮮。最後當然要試
我地7點黎到，坐四人卡位，好闊落。食物種類唔少，打邊爐要有既料佢都有齊。其實打邊爐好食最緊要食材質素夠新鮮，其次就係個湯底夠鮮。waiter招呼殷勤, 貼心奉上小圍裙, 著白色衫食麻辣鍋都唔洗怕。
湯底揀左大骨百味湯鍋同埋野菌鍋 ，湯底好濃郁又足料，湯底唔hea，飲得出真材實料。所以係要即席飲返碗靚湯先。之後加既湯 都係返本身既湯底，所以打邊爐唔會好淡。
四川火鍋菜寧舍不同，醬料有大量芫茜蔥同生蒜按個人喜好，再加醋，蠔油同埋餐廳特製芝麻香油先係重點。我偏好落多少少醋，因為款湯底較清，可以有提味嘅作用。
肉類叫左安格斯肥牛，賣相不得了，口感彈牙又好夠肉味，大概一分鐘就可以食得啦。
另外，叫左手工韮菜餃，好新鮮，餡料又爽口又彈牙。
炸魚皮都係即叫即炸，魚皮即叫即炸上枱嗰時仲係熱嘅；口感酥脆而且冇油溢味，所以勁脆口超正。
仲有茴香小油條都係唔錯既小食，香口得黎又夠清香，確實不錯。
當然要食番蔬菜清清腸胃啦，叫左山藥同埋唐生菜夠新鮮。
最後當然要試下川式甜品啦，紅糖鍋盔，鍋盔有啲似有餡嘅饅頭；麵團外層金黃香脆裏面質感鬆軟而且仲有滿滿嘅紅糖餡，唔夠甜嘅另外仲會附上小碗紅糖可以按照個人喜好沾蘸，食完好滿足，捧住個肚走。
張貼
