四川辣妹子 (已搬遷) 新店位置

今日收咗工之後又去深水埗搵食，呢間四川辣妹子查實我想食好耐㗎啦，今日終於都有機會去試一試。我同朋友係大約夜晚七點鐘去到。結果係冇位等坐一陣，要等隔離鋪收檔先至可以喺開張枱仔用餐。好入坐。二話不說叫咗一整條魽魚嘅烤魚。原本我哋諗住叫大辣，點知店主嚟提醒我哋話，佢哋啲辣度話都係好用手既，叫我地唔好立亂試。OK，我哋就選咗中辣啦。唔夠一陣，條魚已經送到。等滾一滾之後，我就試一試味。嘩！果然好辣，但亦都鮮味無窮。過癮！除咗烤魚之外，嗰啲重點左黑木耳、牛丸同埋薯粉。薯粉重點推介，經過烤魚裏便嘅既汁，再加埋醋嚟食，人間美味。